Алдын ала берілген өтініш негізінде Бәйдібек ауданы, Алмалы ауылындағы №153 учаскенің сайлау комиссиясының мүшелері тасымалдайтын жәшікпен 60 жастағы кіші ұлының қолында тұратын 107-дегі әже Күміс Көшкінбаеваның шаңырағында болды. Ғасыр жасаған Күміс Көшкінбаева дауыс беріп, өз таңдауын жасады.
«Елімізде әрдайым бейбіт заман болсын. Ұрпағымыздың болашағы жарқын, бейбіт күнде ғұмыр кеше берсін», – деп ақ батасын берді.
Күміс әженің тұңғышы 85 жаста. Жастайынан сауыншы болып жүріп 10 ұл-қызды тәрбиелеп өсірген Күміс әженің 60 немере, 38 шөбере, 28 шөпшегі бар.
