Болашақ ұрпағымыз Ұлы Отан соғысына катысушылар мен тыл еңбекккерлерінің және Отан қорғаушылардың қаһарман ерліктерін ешқашан ұмытпауы тиіс,өйткені Отан қорғау әрбір Қазақстан азаматының қасиетті борышы.
Ата-бабаларымыз бен апаларымыздың,алдыңғы буындағы бауырларымыздың
жасаған мәңгілік ерлік үлгісі, қайтпас қайсарлығы мен батырлығы өскелең ұрпаққа ерекше естелік болып қалады.
Халық ұзақ күткен Ұлы Жеңісті жақындатуда майданда да, тылда да жанқиярлықпен күреске түскендердің барлығына айрықша құрметпен бас ие және қаза тапқандардың рухына тағзым ете отырып,бүгінгі таңда еліміздің бейбіт халқына өмір мен тыныштық сыйлауда әскеріміздің атқарып жатқан қызметтері ұшан-теңіз екенін білуіміз керек.Сондықтан да қуатты әскеріміздің айбынын абыроймен асқақтатып жүрген сардарлар мен сарбаздарымызға қандай құрмет көрсетсек те жарасады.
Ұлы Отан соғысына қатысушылар мен оларға теңестірілгендерді, тыл ардагерлері мен Қазақстан әскері қатарында қызмет өткеріп жүрген барлық азаматтарды 9 мамыр Ұлы Жеңіс пен 7 мамыр – Отан қорғаушылар күндері мерекелерімен шын жүректен құттықтаймын.
Сіздерге бейбіт өміріміз бен бақытты болашағымыз үшін жасаған және жасап жатқан ерлік пен еңбектеріңізге алғысымды білдіре отырып, барлығыңызға шын көңілден денсаулық, тіршіліктің ұзақ та жарқын, алаңсыз күндерін, жан шуағын, мемлекет пен қоғамның қамқорлығы мен ықыласын тілеймін.
Көк туымыз бейбіт аспанда желбіреп, Қазақстанымыз өсіп – өркендей берсін!
Бақытжан БЕЙСЕМБАЕВ,
Түркістан облысы ҚХА жанындағы Медиация кеңесінің төрағасы, ҚР ішкі істер органдарының құрметті ардагері, Түркістан қаласының құрметті азаматы
