БЕЛБЕУ КҮРЕСІНЕН ЖАСӨСПІРІМДЕР АРАСЫНДА ОБЛЫСТЫҚ ЧЕМПИОНАТ ӨТТІ

2003
Ағымдағы жылдың ақпан айының 16-18 күндері аралығында Түркістан облысы, Созақ ауданы, Шолаққорған ауылында белбеу күресінен 2006- 2008 жылғы туылған жасөспірім ұлдар мен қыздар арасында Түркістан облысының чемпионаты болып өтті.
“Осынау белбеу күресінің қазіргі қарқыны бізді қуантып жатыр. Қазіргі уақытта бұл спорт түріне көптеген жастар қызығып, ақырындап қатысуда. Белбеу күресі алдағы уақытта да өзін көрсетіп, әлемдік деңгейде кең қанат жайуына кемел сенеміз. Барша спорт сүйер қауым жұдырықтай жұмылып осы спорттың дамуына барынша қолдау көрсетеді. Белбеу күресі ежелгі спорт түрінің бірі болып есептеледі”,- дейді жарысқа қатысушы спортшы.
Облыстық чемпионатқа Жетісай аудандық №3 балалар мен жасөспірімдер спорт мектебінің 11 спортшысы қатысып жүлделі орындардың жеңімпаздары атанды. Атап айтсақ, Жетісай ауданы бойынша қыздар арасында II орынды 70 кг салмақ дәрежесінде Ақерке Темірбек, ал ұлдар арасында II орынды +95 кг салмақ дәрежесінде  Ернұр Мейрамбек иеленді. Сондай-ақ,  III орынды +95 кг салмақ дәрежесінде Нұрсұлтан Юсупов жеңіп алды.

Айта кетсек, белбеу күресі бұл тарихи жазылған ең көне спорт түрінің бірі. Жарыс екі белбеу қатысушысының қатысуы арқылы,  бір-бірімен белбеумен күресу арқылы жүзеге асады. Барша түрік халықтарына ортақ спорт түрі болып табылатын белбеу күресі бүгінде қолданыста жүрген, көптеген спортшылар айналысатын спорт түрі.