Қазақстан Үкіметі 2021-2025 жылдарға арналған «Цифрландыру, ғылым және инновация арқылы технологиялық серпіліс» атты ұлттық жобаны қабылдаған болатын.
Ендігі кезекте ұлттық жоба аясында атқарылған істердің нәтижесіне тоқталсақ. 2022 жылы Egovmobile қосымшасындағы қызметтер саны мыңнан асқан. Цифрлық даму, инновациялар және аэроғарыш өнеркәсібі министрлігінің мәліметінше, интернетке кең жолақты қол жетімділіктің үй желілерінің ену деңгейі – 93,7%, цифрландырылған өмірлік жағдайлардың үлесі – 91,2% , «Азаматтарға арналған үкімет» мемлекеттік корпорациясының қызмет көрсету сапасына қанағаттану үлесі – 92,6%, IT-компаниялар есебінен салық түсімдерінің үлесі 143 млрд. теңгені, мемлекеттік қызметтер көрсету сапасына қанағаттану деңгейі – 81,2%, тіркелген электрондық нысанда еңбек шарттары – 93,7% құрайды.
Сарапшылардың болжамы бойынша, он жылдан кейін әлемдегі өнімдер мен қызметтердің 70 пайызы цифрлық платформалық модельдерге негізделеді. Осындай жағдайда Қазақстан өз алдына еуразиялық кеңістіктегі ең ірі цифрлық хабтардың біріне айналу стратегиялық міндетін қойған болатын.
Министрліктің мәліметінше, екі жыл бұрын 12 облыста – Қарағанды, Түркістан, Жетісу, Қостанай, Ақмола, Алматы, Жамбыл, Батыс Қазақстан, Ұлытау, Ақтөбе облыстарында және Астана мен Шымкент қалаларында халықтың 14 цифрлық кеңсесі жаңғыртылған. eGovMobile мобильді қосымшасында 1069 қызмет қол жетімді болып, 80%-дық көрсеткішке қол жеткізілген. Сонымен қатар, Астана, Қызылорда, Көкшетау, Петропавл, Қостанай, Шымкент және Тараз қалаларындағы 7 алаңда ББО бөлімдері іске қосылды. Дауыстық және дауыстық емес (онлайн чат, электрондық пошта) байланыс арналары бойынша консультацияларға, бейнеқоңыраулар бойынша консультацияларға (виртуалды ассистенттер), «ХҚКО» мобильдік қосымшасы арқылы қызметтер көрсетуге Мемлекеттік корпорация филиалдарында 588 ББО қызметкері және 157 фронт-офис қызметкерлері тартылды.
