Бүгінгі таңда елімізде газдың цифрландыру тәсіліне көшуі жандана түсті.
Осы ретте «ҚазТрансГаз Аймақ» АҚ азаматтарға қолайлы жағдай жасап, цифрлық технологияларды енгізуді жалғастырып келеді. Сонымен, былтырдан бері «QazaqGaz» ҰК» АҚ еншілес компаниясы «ҚазТрансГаз Аймақ» АҚ-да газдандыру үшін техникалық шарттарды (ТШ) беру процестері жетілдіріліп, автоматтандырылған еді. Техникалық шарттарды алу – тұрғын үйді газдандырудың алғашқы қадамы.
«Цифрландыру инновацияларын енгізу арқылы газдандыру процестерін қарапайым әрі қолжетімді етуге тырысамыз. eGov.kz порталында жаңа қызметті енгізу – бұл бағыттағы тағы бір қадам. Мұндай жаңашылдық біздің тұтынушыларымыз үшін тиімді болатыны хақ», дейді «ҚазТрансГаз Аймақ» АҚ бас директорының өндіріс жөніндегі орынбасары Сәлім Нағым.
Өткен жылдың қазан айынан бері eGov.kz порталы арқылы техникалық шарттарды алуға 1000-нан астам өтінім түскен.
«5169 нөмірлі бірыңғай байланыс орталығы мен сенім телефоны – абоненттің біздің компаниямен тиімді қарым-қатынас жасауының маңызды құралы. Бұл тұтынушылардың өтінімдерін тезірек өңдеуге, сұрақтарға жедел жауап беруге мүмкіндік береді. Ай сайын бірыңғай байланыс орталығына тұтынушылардан 3,5 мыңнан астам өтінім түседі. Олардың көпшілігі тұрғын үйлерді газдандыру мақсатында жіберілді», дейді техникалық жөніндегі директор Уәлихан Қымбатов.
Бұдан былай тұрғындар өз үйлерінен шықпай-ақ электронды цифрлық қолтаңбаны (ЭЦҚ) қолданып, eGov.kz порталы арқылы газдандыру үшін техникалық шарттарды алуға өтінім бере алады. Ол үшін eGov.kz порталында жеке тіркеуден өту, байланыс телефонын және электронды поштаны көрсету, тұрғылықты және газдандыру нысанының мекенжайын таңдау, техникалық құжаттың скан көшірмесін қоса тіркеу, газдандыру нысаны жөніндегі деректерді көрсету, ЭЦҚ көмегімен өтінімге қол қою және техникалық шарттардың берілетіні немесе берілмейтіні туралы аталған ұйымның жауабын күту керек.
Техникалық шарттарды қарау және беру процесі 5 жұмыс күні аралығында, ал техникалық жағынан күрделі нысандарға 10 жұмыс күні аралығында іске асырылады.
