Оқу-ағарту министрлігі Цифрлық даму министрлігінің қатысуымен техникалық, кәсіптік және орта білімнен кейінгі білім туралы құжаттардың электронды көшірмелерін беруді қолға алған болатын.
Сондай-ақ, биыл Атырау өңірінде өткізілген Ұлттық құрылтайдың үшінші отырысында Президент Қасым-Жомарт Тоқаев сыртқы сауда мен ақпараттық технологиялар саласына қатысты мәселелерді сөз еткен еді.
«Біз еліміздің аумағы арқылы өтетін көлік дәліздерін біртіндеп дамытып, сыртқы сауда айналымының ұлғайуына барынша жағдай жасауымыз керек. Сол үшін логистика орталықтары мен қоймалар салып, темір жол құрылысының қарқынын арттырамыз. Сондай-ақ теңіз тасымалының инфрақұрылымын жақсартып, өзгертуге ыңғайлы тариф саясатын жүргіземіз. Мұның бәрі еліміздің тұрған жерін барынша тиімді пайдалануға мүмкіндік береді. Экономиканың көптеген саласын дамытуға септігін тигізеді»,-деген Президент өз сөзінде.
Сондай-ақ Қасым-Жомарт Кемелұлы болашағы зор тағы бір бағыт – IT-технологиялар саласына да тоқталған. Қазақстанда осы жылдың соңына дейін суперкомпьютер жасап, жаңа дата-орталықты іске қосу жоспарланған екен.
«Біз Каспий теңізінің түбі арқылы талшықты-оптикалық байланыс желісін салуды көздеп отырмыз. Бұл жоба Еуропа мен Азия арасында тағы бір цифрлы дәліз орнатуға жол ашады. Мен жақында «Қазақстан темір жолы» компаниясының Инновация орталығында болдым. Орталық қызметінің арқасында еңбек өнімділігін арттыруға, шығындарды азайтуға мүмкіндік бететін озық технология осы салаға енгізіліп жатыр. Бұл жұмысқа еліміздің және шетелдің білікті IT-мамандары жұмылдырылды»,-деді Қасым-Жомарт Тоқаев.
Осы ретте айта кетерлігі, темір жолдың өткізу қабілетінің артуы, бұл – цифрландыру нәтижесі.
