Таяуда «Digital Almaty» форум көрмесінде ЕАЭО елдерінің үкімет басшыларына Қазақстан компанияларының цифрландыру саласындағы жетістіктері көрсетілген болатын.
Көрмеге 300-ден астам отандық және халықаралық IT-компаниялардың, GovTech, AgroTech, Industry 4.0, ESG, Smart City және т.б. цифрландыру салаларындағы мемлекеттік органдардың жобалары ұсынылды.
Үкімет басшыларына Qaztech платформасы ұсынылды – ол Қазақстанның мемлекеттік ақпараттық жүйелеріндегі бірыңғай стандарттарды сақтауды қамтамасыз етеді және кәсіпкерлік қызметті «нөлден бастап» реттеудің цифрлық негізі.
Форумның жекелеген қатысушыларына Алматы қаласының цифрлық қызметтері мен Индустрия 4.0 жобаларын тау-кен-металлургия кешенінде, өнеркәсіп пен энергетикада, оның ішінде мемлекеттік қолдау құралдары арқылы іске асыру нәтижелері көрсетілді.
Үкімет басшыларына бөлек Minerals.gov.kz жер қойнауын пайдаланушыларға арналған бірыңғай платформа ұсынылды. Ол пайдалы қазбаларды барлау мен өндіруге лицензия алу процесін жеңілдетеді және жеделдетеді.
Бұл платформада әлеуетті инвесторлар инфрақұрылымнан бастап аумақты геологиялық барлау туралы есептерге дейін сұралған аумақтың толық бейнесін ала алады. Мұнда ЭСҚ кілті арқылы сәйкес өтінімді жіберуге болады.
Мемлекет басшысының айтуынша, алдағы уақытта кейбір отандық жоғары оқу орындарында «Google» және «Huawei» халықаралық компанияларының тиісті курстары өтпек. Корея мен Қытайдың жоғары оқу орындарымен білім беру және мамандарды бірлесіп даярлау бойынша келісім жасалды. Жасанды интеллект саласында жыл сайын 100 стартап іске қосу бойынша міндет қойылып отыр.
Қазақстандағы іздеуді дамыту бойынша Яндекс компаниясының директоры Александр Поповский үкімет басшыларына Қазақстанда халық пен бизнеске арналған 10-нан астам қызмет жұмыс істейтінін айтты.
2023 жылы компания төмендегі жобаларды жүзеге асырды.
Қазақ тіліндегі «Карта»,
Мобильді браузерде және қосымшада қазақ тілінде «Алиса» қызметі,
Яндекс браузерінде бейнелерді қазақ тіліне аудару және қазақша іздеуде жылдам жауаптар.
