Президент Жолдауынан кейін көп уақыт өтпей, Премьер-Министр «Қазақстан аумағында орман және дала өрті кезінде Жерді қашықтан зондтау деректерін беру бойынша ведомствоаралық өзара іс-қимылды қамтамасыз ету жөніндегі шаралар туралы» өкіміне қол қойды. Сонымен қатар, өкімге сәйкес, орман және дала өрті кезінде Цифрлық даму, инновациялар және аэроғарыш өнеркәсібі министрлігі мыналарды орындауға міндетті:
– mchs.gharysh.kz және forest.gharysh.kz кеңістіктік деректер геосервистерінің іркіліссіз жұмысын істеуін қамтамасыз етуге;
– Төтенше жағдайлар министрлігінің облыстардың, республикалық маңызы бар қалалардың және астананың төтенше жағдайлар департаменттеріне және Экология және табиғи ресурстар министрлігінің Орман шаруашылығы және жануарлар дүниесі комитетіне mchs.gharysh.kz және forest.gharysh.kz кеңістіктік деректер геосервистері арқылы жану аумағында Жерді қашықтан зондтау деректерін беруге;
– Төтенше жағдайлар, Экология және табиғи ресурстар министрліктері мен олардың аумақтық бөлімшелерінің жұмысы үшін қажетті кеңістіктік деректерді (термалды нүктелердің, өрт сөндіру бөлімдері мен станциялардың орналасқан жерінің, әуе көлігімен доңғалақты көлік су алатын жерлердің, ерекше қорғалатын табиғи аумақтар шекараларының сипаттамасын қамтитын деректер) mchs.gharysh.kz және forest.gharysh.kz кеңістіктік деректер геосервистерінде уақтылы жүктелуін қамтамасыз етуге;
– Төтенше жағдайлар, Экология және табиғи ресурстар министрліктері mchs.gharysh.kz және forest.gharysh.kz кеңістіктік деректер геосервистерін пайдалану тәртібін тиісті ведомстволық құқықтық актілерде бекіте отырып, күнделікті мониторингтеуді қамтамасыз етеді.
