🤝 2026 жылдың 14 қаңтар күні Түркістан облысының білім саласында сапаны қамтамасыз ету департаментінің басшысы Ғ.Алматов азаматтарды жеке мәселелері бойынша қабылдау өткізді. Қабылдау Түркістан қаласында орналасқан Әкімшілік-іскерлік орталықтағы департамент ғимаратында өтті. Қабылдауда Ордабасы ауданы, Түркістан қаласының азаматтары болды.
🗣️Қабылдау барысында жергілікті білім беруді басқару органдарының қызметі мен орта білім беру ұйымдарында кездесіп жатқан өзекті мәселелер қозғалды. Азаматтармен білім сапасына қатысты түйткілдерді ортаға салып, оларды шешу жолдары талқыланды.
📚 Азаматтар білім беру жүйесінде еңбек етіп жүрген қызметкерлерге негізсіз артық жұмыстардың жүктелуі, оқу сағаттарының әділ бөлінбеуі, педагогтердің сабақты себепсіз өткізбеуі, сондай-ақ электронды журналдың уақытылы әрі талапқа сай толтырылуы жөнінде және т.б өзекті мәселелерді көтерді.
📝 Департамент басшысы Ғ.Алматов көтерілген мәселелердің әрқайсысы бойынша жауапты мамандарға нақты, жүйелі әрі орындалуы міндетті тапсырмалар жүктеді. Сонымен қатар, қабылдауға келген азаматтарға берілген тапсырмалардың уақытында, сапалы әрі нәтижелі орындалуын жеке бақылауына алатынын жеткізді.
