Түркістан облыстық мәслихатына депутаттыққа кандидат Бекбаев Мурат Серикбаевич:
Мен Бекбаев Мурат Серикбаевич 1970 жылы 7 шілдеде Оңтүстік Қазақстан облысы, Кентау қаласында тудым. Менің ұлтым қазақ. Кентау қаласындағы №23 К.Маркс атындағы орта мектебін 1987 жылым бітірдім.
Ата-анам: әкем – Бекбаев Серікбай Мақұлбекұлы, кен инженері, дүниеден өткен. Анам – Бекбаева Күлайла Еркебайқызы, зейнеткер.
1987 жылы Мәскеу кен иститутының 1 курсына түстім, 1993 жылы инженер-электрик мамандығын алып бітірдім. Оқу кезінде, 1990 жылы практикалық тәжірибие алу мақсатында, Кентау қаласы «Ачполиметалл» комбинаты, автоматика цехында 2 разрядты электрослесарь жұмысын 6 ай істедім. 1991 жылдан бастап, «Мұрагер» Мәскеу қазақ жастар қоғамында» еріктілер қатарына кіріп, 1992-1999 жылдары аралығында тұрақты қызметкер ретінде жұмыс жасадым. 1993 жылы коммерциялық бөлімінің менеджері, 1994 жылдан шеф-менеджер жұмысын атқардым. 1995-1999 жылдары осы мекеме атынан Қазақстан-Ресей арасындағы коммерциялық қарым-қатынас жұмыстарды жүргіздім. 1999 жылы отбасылық жағдаймен ауылға қайттым.
1995 жылы екінші жоғары білім алу мақсатында, Плеханов атындағы «Ресей экономикалық академиясының» кешкі бөліміне түсіп, 1997 жылы «Қаржы және несие» бойынша, экономист мамандығын алдым. Сол жылдары қатарлас оқып, 1997 жылы «Мирбис» Мәскеу халықаралық жоғары бизнес мектебін», МВА магистратурасында оқып, басқару магистрі дипломын алдым.
1999-2000 жылдары «Ачполиметалл» АҚ конкурстық басқару кезінде «Маркетинг және тауарлар сату» бөлімінің бастығы міндетін атқардым.
2000 жылы Түркістан қаласында меншік «Тұран-Түркістан» телеарнасын ашып, директор міндетін атқарып келе жатырмын. Халыққа қызмет көрсету мақсатында, 2001 жылы жарнамалық-ақпараттық «Тұран Жарнама» газетін, 2007 жылы «Тұран Ақпарат» ақпараттық-танымдық газетін ашып, редактор қызметінде жұмыстарын жүргіздім.
Алдыма қойған мақсатым: ұйымдастыру тәжірибиемді пайдаланып, «Түран-Ақпарат» газетінің оқырмандарына қызықты және өмірге пайдалы, жан-жақты, кәзіргі заманымызға сәйкес жаңа бағыттағы мәліметтерді ұсыну.
Депутат болу мәртебе емес, үлкен міндет
Жайлы аула – Қауіпсіз көше – Гүлденген қала
Сайлауалды бағдарлама
- Кентау қаласы тұрғындар үшін:
Ақылды жігіт атқа да мінер, таққа да мінер.
Шынықсаң шымыр боларсың
А. Мектеп жасындағы балаларға спорт және білім алу үйірмелерге тегін қатысу мүмкіндіктерін арттыру
Б. Ата-аналар көшеге, мектеп және бала-бақшаға берген балаларын уайымдамау үшін заман талабына сай бейнекамераларымен жабдықтауын талап ету
В. Жастарды адалдыққа тәрбиелейтін жобаларды іске асыру, әлеуметтік кәсіпкерлікті дамыту
- Жеке тұрғын үйлер орналасқан аумағында
АБАТТАНДЫРУ – ТАЗАЛЫҚ – КӨГАЛДАНДЫРУ
А. Газды кіргізу жұмыстарын жеңілдету және арзандату,
Б. Кәріз жүйелерін ауыстыру және реттеу,
В. Жарықтандыруды көбейту,
Г. Жаяу жүргіншілер және көлік жүру көшелеріне жолдарын асфальттау жұмыстарын жүйеге келтіру
- Көп қабатты үйлер тұрғындары үшін
ТАЗА АУЛА – ТЫНЫШ ҰЙҚЫ – МЫҚТЫ ДЕНСАУЛЫҚ
А. Тұрмыстық қоқыс орындарын реттеу және тазалау,
Б. Жаңа ойын алаңдарын орнату
В. Бейнекамераларды орнату
