Бұл мақалада Түркістан облысының тұрғындарының назарына жасанды интеллект саласындағы болашағы зор бағыттарды ұсынамыз. Мемлекет басшысының айтуынша, дербес тіл моделін әзірлеу – жасанды интеллект саласындағы болашағы зор бағыттың бірі. Қазір қазақ тілі моделін жасау жұмысы қолға алынып жатыр. Осы жұмысқа сегіз ғылыми-зерттеу институты мен жоғары оқу орнынан тұратын консорциум тартылды. Бұл бастама цифрлық дербестігімізді қамтамасыз етеді. Сондай-ақ мемлекеттік тілді дамытуға мықты серпін бермек. Әлемдік тілдік модельдерде қазақ тілінің сапалы деңгейде қолданылуы, қазақша мәтінді автоматты тану, интернет контентті қазақшалау, қазақ тіліне қатысты IT шешімдерді бір жолға түсіру қажеттілігін көріп жүрміз. Түптің түбінде жасанды интеллектінің қазақ тілін толық игеруіне баса назар аударуымыз керек. Бұл мәселе бойынша әзірге нақты бір қадам бар. Ол – AI негізінде ұлттық тіл моделі іске қосу үдерісі.Қазіргі кезде цифрлы технологиялар біздің өміріміздің бөлігіне айналғанын екінің бірі біледі. Алайда, осыған байланысты білім саласы қалай өзгергенін бәрі бірдей түсіне бермейді.Әлемде балалар мен ересектердің “цифрлық технологияны” меңгеруіне көмектесу үшін көптеген форумдар мен байқаулар жыл сайын ұйымдастырылып тұрады. Сондай-ақ, “виртуалды және толықтырылған шынайылық күндері” жобасы әлемнің түрлі елі мен қалаларындағы балаларға VR деген не екенін түсіндіріп, виртуалды шындықпен танысуына көмектеседі.[/caption]Бүгінде цифрландыру әлемдік ауқымдағы трендке айналды. Дамыған елдің барлығы цифрлық саясатты қолға алып, даму қарқынын арттыруға күш салып жатыр. Десе де, инновация мен технология тілін түсінетін, оны жүргізетін мамандар тапшы. Сол тапшылық IT-саласының дамуына кері әсерін тигізіп, цифрлық экономиканы жүргізуге, озық технологияның игілігін көруге кедергі келтіріп келеді.
IT-маманның аздығы — тек Қазақстанда емес, бүкіл әлем елдерінде бар үлкен мәселе. Инновация мен технология күн сайын жаңарған заманда оларға сұраныс та арта түсті. Әлемдік рейтинг бойынша ең қажет мамандықтар тізімінде IT-мамандар екінші орын алады екен. Қазір жаңа технологиялар тауар жасаудан бастап, өндіріс, транспорт сынды барлық салаға ықпал етіп жатыр.
Қазақстан ішкі қажеттілік пен жаһан талабына байланысты ақпараттық технология мамандарын даярлауды мықтап қолға алды.
«Цифрлық Қазақстан» мемлекеттік бағдарламасының төртінші бағыты бойынша IT-мамандарды даярлау міндеті жүктелді. Осыған орай соңғы жылдарда кадр мәселесін шешу жұмысы белсенді жүргізіліп жатыр.
Статистика бойынша жыл сайын отандық ЖОО мен колледждерді 18 мың ақпараттық технология маманы бітіріп шығады екен. Алайда елдің цифрлық экономикасын дамыту үшін бұл көрсеткіш аздық етері анық. Осы бағытта мемлекет тарапынан көптеген жеңілдік, жағдай жасалып отыр. Жетістіктер де жоқ емес. Бүгінде елімізде 2001 IT-сынып, 21 IT-лицей, 1406 робототехника кабинеті ашылып үлгерді.
