«Әділет» партиясы Құрылтай сайлауы алдындағы үгіт-насихат науқанын Түркістан облысынан бастап, тұрғындармен, кәсіпкерлермен және аграрлық сектор өкілдерімен бірқатар кездесу өткізді. Басқосуда партия кандидаттары облыс тұрғындарымен еркін пікір алмасып, өзекті мәселелері тыңдалды. Жиында жолдардың сапасы, ауыз су, газдандыру, жайылым жерлерінің тапшылығы, жастарды жұмыспен қамту және шағын бизнесті қолдау мәселелері көтерілді.
«Әділет» партиясының төрағасы Айбек Дәдебайдың айтуынша, өңірлерге сапардың басты мақсаты – халықтың нақты мәселесін тыңдап, оларды шешудің тиімді жолдарын қалыптастыру.
«Біз алдағы сайлауға тек дауыс сұрау үшін келген жоқпыз. Елмен бірге жауапкершілікті бөлісіп, тұрғындардың ұсыныстары мен көтерген мәселелерін нақты шешімдерге айналдыруға келдік. Бүгін айтылған әрбір ұсыныс пен арыз-шағым біздің бақылауымызда болады», – дейді ол.
Ал партия төрағасының орынбасары Рауан Кенжеханұлы «Әділетті болашақ үшін» сайлауалды бағдарламасының негізгі басымдықтарын таныстырып, онда жеті стратегиялық мақсат пен ел дамуының негізгі бағыттары қамтылғанын айтты. Кездесуде тұрғындардан түскен барлық ұсыныстар мен мәселелер тіркеліп, одан әрі қарау үшін республикалық сайлауалды штабқа жолданатыны айтылды.
Сондай-ақ, облыстың кәсіпкерлер қауымдастығы және аграрлық сектор өкілдерімен де кездесу өтті. Жиында отандық өндірісті қолдау, инвестициялық ахуалды жақсарту және кәсіпкерлікке қолайлы жағдай қалыптастыру мәселелері талқыланды.
Құрылтай депутаттығына кандидаттар – Ренат Бектұров, Снежанна Имашевалар бизнестің тұрақты дамуы үшін заң үстемдігі мен әділ бәсеке маңызды. Мемлекет пен бизнес арасындағы сенімді әріптестікті нығайту қажет. Әсіресе, тарифтер өзгерген кезде өтпелі кезең енгізу және ауылдардағы кәсіпкерлікті қолдау шараларын кеңейту жөнінде орынды ұсыныстар айтылды. Азық-түлік қауіпсіздігін қамтамасыз ету, су үнемдеу технологияларын енгізу, ирригациялық жүйелерді жаңғырту, қайта өңдеу өндірістерін дамыту және экспорттық әлеуетті арттыру мәселелері де сырт қалмады.
Дайындаған:
«Әділет» партиясының баспасөз қызметі. «Әділет» партиясы» ҚБ сайлау қорының қаражаты есебінен төленді.
Тапсырыс беруші: Н.Т. Мыңжасаров.
