Түркістан облысындағы дін саласындағы саясат мемлекеттің дінге қатысты ұстанымдары мен аймақтық ерекшеліктерді ескере отырып, діни тұрақтылықты қамтамасыз етуге бағытталған кешенді шаралардан тұрады. Облыста деструктивті діни ағымдардың таралуын алдын алу мақсатында ақпараттық-түсіндіру топтары құрылып, түрлі кездесулер мен семинарлар ұйымдастырылуда. Оның ішінде, жуырда Мақтаарал ауданында республикалық ақпараттық түсіндіру тобының мүшелерімен кездесулер өткізілді, онда деструктивті діни ағымдардың идеологиясының таралуының алдын алу мәселелері талқыланды. Одан бөлек, Облыстағы Сарыағаш медресе-колледжінде имамдардың біліктілігін арттыру мақсатында «Игілік» қорынан қаржы бөлініп, оқу курстары ұйымдастырылуда. Сондай-ақ, жастардың дәстүрлі емес діни ағымдардан сақтануы үшін түрлі шаралар қолға алынған. Түркістан қаласында студенттермен кездесулер өткізіліп, дәстүрлі құндылықтарды дәріптеу, кереғар ағымдардан сақтану мәселелері талқыланып,шетелде діни білім алудың қауіптілігі туралы ақпараттар берілуде.
Түркістан облысындағы дін саласындағы саясат мемлекеттің дінге қатысты ұстанымдары мен аймақтық ерекшеліктерді ескере отырып, діни тұрақтылықты қамтамасыз етуге бағытталған кешенді шаралардан тұрады. Бұл шаралар деструктивті діни ағымдардың алдын алу, діни білім беру, имамдардың біліктілігін арттыру, жастар арасында діни тұрақтылықты нығайту және ақпараттық-түсіндіру жұмыстарын белсенді жүргізуге бағытталған.
Бүгінде әлем елдерінде дін мен оның құндылықтары халық пен қоғам өміріндегі маңызы күн санап артып келеді. Дін мемлекеттің негізін құраушы ең маңызды фактордың бірі болғандықтан, ішкі тұрақтылықтың да кепілі. Әлеуметтік тұрғыдан алғанда дін: қоғамға бағыт-бағдар береді; қоғамды біріктіреді; идеологиялық және мәдени ұғымдарды күллі қоғамға телиді; жеке тұлғаның және күллі қоғамның мүдделерін қорғайды; этникалық негізден гөрі адами, рухани құндылықтарға мән береді.
Қоғам – бұл адамзаттың тарихи дамуы барысында қалыптасқан әлеуметтік құрылымдардың, функциялардың және байланыстардың салыстырмалы түрде тұрақты интеграцияланған жүйесі, онда олардың өзара әрекеттесу процесінде қалыптасқан адамдарды біріктіру формалары жүзеге асырылады. Қоғам – адамның өмір салты. Қоғамсыз адам жоқ, адамсыз қоғам жоқ.
Мемлекеттік саясаттың өзекті де күрделі бағыттарының бірі – мемлекеттің дін саласындағы саясаты. Еліміздегі дін саласындағы саясатының негізгі бағыт-бағдары зайырлылық қағидаттары, конфессияаралық және ұлтаралық келісім, діни экстремизм мен терроризмге қарсы күрес болып табылады. Осы бағыт-бағдарлардың негізінде мемлекеттің дін саласындағы саясаты жасақталып, ел игілігі үшін жұмыс атқарады.
Дін – әлемде де, елімізде де өзекті тақырып ретінде белгілі. Тәуелсіз қазақ елінде діни жаңғыру үдерісі ұлттық дәстүр мен құндылықтардың қоғам өміріндегі рөлінің артуынан және жастар арасында діндарлық деңгейінің өсуінен байқалады.
Зайырлылық – мемлекет пен діннің бір-бірінен бөлінуі, мемлекеттің әлеуметтік, саяси, және құқықтық негізгі жүйесінің аз да болса діни қағидаларға сүйенбеуін білдіреді. Мемлекет пен зайырлылық ұстанымы ешқандай дінге бөгет жасамайды, тек мемлекеттің дін саласына араласпауы және белгілі бір діни ұстанымға басымдық бермейтініне кепілдік беруі.
Зайырлылық қағидатына сәйкес дін мемлекеттен бөлек болғанымен, оны қоғамнан, адамнан бөліп алып қарастыра алмаймыз. Қандай заман болмасын адам жүрегінде белгілі бір тылсымға, абсолютке деген сенім болғандығын жасыра алмаймыз. Қандай да бір дін болмасын адамзаттың құндылықтарға негізделген. Еліміздің діндер арасында татулығын, бірлігін сақтау мақсатында зайырлылық қағидаттарының алатын орны орасан зор деп анық айта аламыз.
Дiн мен мемлекеттiң түйiсер жерi де – елдiң тұтастығы мен бірлігі, дінаралық келісім мен тұрақтылық. Осы мақсатта ҚМДБ мен Дін істері басқармасы бірлесе отырып жұмыс жасайды.
Кез келген мемлекет өзінің дін саласындағы саясатын тарихи, мәдени, экономикалық және басқа да факторларын ескере отырып белгілейді. Мемлекеттік саясатты белгілеу нысандары – белгілі бір діндерге мемлекеттік мәртебе беру арқылы, діни бірлестіктердің мәртебесіне байланысты конфессиялармен келіссөздер жүргізе отырып, барлық діни бірлестіктерге либералды көзқараста болуды талап етеді.
