Қазақстанда соңғы 5 жылда бензин шығару көлемі 70%-ға, дизель отынын шығару 30%-ға өскен.
Тіпті, өткен жылы дизель отынын шығару бойынша рекордтық көрсеткіш қол жеткізілген. Бірақ, қазір еліміздің бірқатар өңірінде, әсіресе, оңтүстік жақта дизель отынының тапшылығы байқалып отыр.
Соның кесірінен 350 мың тонна көлеміндегі тапшылықты бағасы қымбат импорттық отынмен жабуға мәжбүр болғандарын мәлім етті энергетика министрлігі. Демек, саладағы жағдай бұлай жалғаса беретін болса, бәрі құлдырауға ұшырайды, сала тұралайды.
Қазақстанда дизель отыны тапшылығының басты себебі – бағадағы теңгерімсіздік, отандық отын бағасының көрші елдермен салыстырғанда айтарлықтай арзандығы болып отыр. Сондықтан ел мүддесі, ұлт экономикасының «саулығын» сақтау мен оның әрі қарай дамуы үшін бағаны реттеу туралы бірегей шешім қабылданды.
Мұны қазақстандықтар жақсы түсініп, түйсінуі тиіс. Яғни, экономикада нарық заңдылықтары мен талаптарына сай тиімді әрекет етпесе, артта кенжелеп қалу оп-оңай.
Сәбит Баймағанбетов,
ХҚТУ-дің аға оқытушысы,
“Экономика, қаржы және есеп” кафедрасы, PhD докторы
“Экономика, қаржы және есеп” кафедрасы, PhD докторы
