Түркістан облысында айтарлықтай олимпиада ойындарының көркін қыздыратын күрес спорты әлемдік талаптарға сай қарқынды дамып жатыр. Жыл сайын дзюдо күресінен түрлі халықаралық және республикалық, облыстық жарыстар өтіп келеді. Жақында ғана еліміздің ең талантты деген күрес шеберлері дзюдо күресінен жасөспірімдер арасында Астана қаласында бас қосып, Қазақстан чемпионатының жалауы желбіреді.
Сайыста Түркістан облысының жасөспірімдер құрамасы жоғары көрсеткіш көрсетіп, 1-алтын мен 1-күміс, 4 қола жеңіп алды. Командалық жарыста жүлделі үшінші орынға ие болды. Жапондықтардың ұлттық спорты саналатын бұл Ел чемпионатында жасындай жарқылдап өнер көрсеткен 48 келідегі талантты балуан Нұрбала Зайнул жеңістің шыңын бағындырды.
Ал,50 келіде күрескен жерлесіміз Ернұр Батырғали күміс жүлдеге ие болды. Қола жүлдені қанағат еткен Дамир Сырлыбай мен Алихан Назымханов, талантты жас балуан қыздар Аяулым Қалмырза мен Дарья Бейсембекова да қола медаль иеленді. Жеңісті бағындырған жерлестерімізді құттықтаймыз!
