Шымкент қаласы Еңбекші ауданында жылыту маусымына дайындық жұмыстары басталды. Осыған орай бүгін аудан әкімі Досбол Есілбек көп қабатты тұрғын үйлердің 2021-2022 жылдардағы қысқы жылыту маусымына дайындық жұмыстарымен танысты деп хабарлайды Aptamedia.kz Шымкент қаласы әкімдігінің баспасөз қызметіне сілтеме жасап.
Еңбекші ауданы аумағында 630 көпқабатты тұрғын үй орналасқан, оның ішінде 530 көпқабаты тұрғын үй орталықтандырылған жылумен қамтамасыз етіледі. Жылыту маусымына көпқабатты тұрғын үйлерді сапалы және уақытылы дайындау мақсатында «Қуат жылу орталық-3» МКК-мен бірлесе іс-шара бекітіліп, дайындық жұмыстары жүргізілуде.
Қазіргі таңда 530 үйдің 201-не сығымдау жұмыстары жүргізілді.
Сонымен қатар, аудан аумағында қызмет көрсететін сервистік компаниялар тұрғындармен тұрғын үйдің инженерлік жүйелерін 2021-2022ж.ж. аралығында қысқы жылу маусымына дайындау мақсатында 289 келісім-шарт түзілді.
Айта кетейік аудан тұрғындарынан қысқа дайындық жұмыстарын жүргізу үшін тиісті қызмет көрсететін сервистік компаниялармен келісім-шарт түзіп, қажетті жұмыстарды жүргізуді сұраймыз.
