Былтыр қаңтарда көгілдір отынның қымбаттауына қарсы шыққан маңғыстаулықтардың бейбіт шеруі мемлекеттік төңкеріс жасауға дайындалған деструктивті күштердің қолына түсті. Арандатушылардың бұл әрекеті елдің жеті аймағындағы тәртіпсіздіктерге ұласып, қарапайым тұрғындар да қатысып кетті.
Бұзақы топтар мен кәсіби арандатушылар ұйымдастырған бейберекеттіктің салдарынан әкімшілік ғимараттар мен 2000-ға жуық ШОБ зардап шекті. Тонау мен қиратулардың салдарынан жалпы сомасы 100 миллиард теңгеден астам шығын келтірілген. 5000 мыңнан астам азамат зардап шекті. 238 адам қайтыс болды. 5 қаңтарға қараған түні Алматы, Тараз, Ақтөбе, Атырау, Шымкент, Орал әкімдіктерінің ғимараттарына бір мезгілде шабуыл жасалды.
Сонымен қатар, тәртіпсіздіктерге қатысушылар қалалардың инфрақұрылымын бүлдіруге тырысты: полиция мен коммуналдық көліктер өртеніп, жолдар мен теміржол жолдары, вокзалдар мен әуежайлар жабылды.
Ресми мәлімет бойынша, сол күндері 1200-ге жуық адам қамауға алынып, бүгінге олардың 160 адамы сотталған.
Бір жыл бұрынғы тарих барша отандастарға сабақ болуы керек. Ежелгі Рим ақыны Марк Анни Луканның «Соғыс кезінде заң үнсіз» деген сөзінің мәнін енді ұқтық. Бей-берекетсіздіктің соңы не болатынын көрдік.
Ел тұрғындарының басым бөлігі қорытынды жасап, Отанымыздағы бейбітшілік пен тыныштықтың маңыздылығын түсінгеніне сенімдімін!
Елімізде бейбіт шерулер мәдениетін қалыптастыру қажет.
Қаңтар оқиғасы бейбіт шерулер туралы заңның өрескел бұзылғанын көрсетті, ал билік санкцияланған, бейбіт наразылық акцияларын өткізу процесін жеңілдету саясатын жүргізіп жатыр. Бейбiт шерулердi өткiзу ережелерiн бұзумен қатар, бүлікшілер қаланың барлық жерінде бүлік жасап, өртеп, мүлікті талан-таражға салған. Осындай төтенше жағдайлардың қайталанбауы үшін кәсіподақтардың жұмысын күшейтіп, қоғамдағы маңызын арттыру қажет.
Сейдалы ДҮЙСЕБАЙҰЛЫ,
Түркістан облысының тарихи-мәдени ескерткіштерді қорғау және қалпына келтіру орталығының маманы
