«Әкім бол, халқыңа жақын бол» деген нақыл сөз әр әкімнің ұстанымына айналмақ.
Мемлекет басшысы:Барлық деңгейдегі әкімдер жыл бойы халықпен кездесулер өткізсін, халықты толғандыратын әлеуметтік мәселелерге баса назар аудара отырып, Қазақстанды жаңғыртудың жаңа бағдарының негізгі бағыттары туралы хабардар етсін және проблемалық мәселелерді шешудің жолдары мен мерзімдерін түсіндірсін”, деген болатын.
Осы орайда Түркістан қаласының әкімі Нұрбол Тұрашбековтің өзекті мәселелер бойынша көшелердегі кездесулері жалғасуда. Кездесулер кезінде Сауран секторында М.Өтемісұлы және Д.Нысанбаев атындағы көше тұрғындары ауызсу жүйесін жаңарту, жарықтандыру, сонымен қатар қоғамдық көлік қатынасы бойынша мәселе көтерді. Одан бөлек, қолданыстан шыққан ескі ғимараттарды бұзу жайы да қозғалды. Айтылған барлық мәселе қағазға түсіп, тапсырма-жоспарға енгізілді. Ұсыныстар назарға алынып, заңдылығын қарау үшін мамандарға тапсырма берілді.
