Түркістан облысының тұрғындарының назарына жасанды интеллект технологиялары және ол жөнінде Президент қандай тапсырмалар берді, толық ақпараттарды ұсынамыз. Президент экономиканы цифрландыру шараларын күшейтуді және жасанды интеллект технологияларын кеңінен қолдануды қамтамасыз ету міндетін нақты белгілеп берді. Мақсат – 2026 жылға қарай IT-қызметтер мен өнімдер экспортының жыл сайынғы көлемін кемінде $1 млрд деңгейінде қамтамасыз ету. Бүгінде бұл көрсеткіш $529 млн-ды құрайды.
Осы ретте жасанды интеллектке негізделген бейнекөріністерді жасауға және өңдеуге арналған платформа Higgsfield AI жобасы ұсынылған болатын. Бағдарлама жеке және жекелендірілген қосымшаларға арналған. Қазіргі уақытта стартап $16 млн жинап үлгерді, Pre-seed раундындағы негізгі инвестор АҚШ-тағы ең көне венчурлық қорлардың бірі Menlo Ventures болды. Higgsfield AI қазір diffuse мобильді қосымшасын ұсынады, ол мәтінді бейнекөрініске түрлендірудің арнайы моделіне негізделген. Ол алдын ала жасалған клиптер жиынтығы мен нұсқау редакторы бар жеке құралдарды қолдана отырып, басынан бастап бейнекөріністерді жасай алады.
Жасанды интеллект (ЖИ) – бұл адамша ойлауды қажет ететін, әрі қойылған тапсырмаларды орындауға қабілетті интеллектуалдық жүйелерді жасап шығаруға тырысатын комьютерлік ғылымдар саласы.Ол компьютерлерге үйренуге, деректерді талдауға, шешім қабылдау мен түйткілдерді шешуге мүмкіндік беретін алгоритмдер және үлгілерді әзірлеуге негізделеді.Жасанды интеллектте пайдаланылатын негізгі технологиялардың бірі – машиналық оқыту болып келеді. Ол компьютерлерге деректер негізінде оқу, әрі паттерндерді анықтап тану және болжамдарды жасауға мүмкіндік береді.
