Баршамыз куә болғандай бүгінде еліміз тағдырлы таңдау алдында тұр. Тарихи шешімдер мен болашаққа бағыт түзейтін тарихи кезеңдеміз. Бұл – жай ғана құқықтық түзетулер емес, өткенге әділ баға беретін сәт.
Ата заңға еніп жатқан өзгерістердің аясында «Әділетті Қазақстан» құндылықтары мен «Заң мен тәртіп» қағидаты бекітілді. Қолданыстағы негізгі заң Преамбуладан, 9 бөлімнен және 101 баптан тұрса, енді жобада Преамбула, 11 бөлім және 104 бап қамтылған. Бұл – әр азаматтың құқығы мен бостандығы ең жоғары құндылық ретінде танылып, мемлекет пен қоғам арасындағы сенімді нығайтуға жасалған нақты қадам.
Негізінен комиссияға екі мыңнан астам ұсыныс келіп түскен. Бұл – мемлекеттік басқару жүйесінің, құқықтар мен бостандықтардың кепілдіктерінің және билік пен қоғам арасындағы өзара ықпалдастық тетіктерін терең қайта қарау.
Жаңа өзгерістер – жаңаруға деген ниеттің, әділетке ұмтылған қоғамның көрінісі. Ал бұл жолдағы ең басты күш – саналы азамат пен біртұтас халық.
Жомарт Абдибаев,
Түркістан облыстық мәслихатының депутаты
