Шымкент қаласы Сайрам тұрғын алабындағы Ю.Сареми атындағы №107 мектеп-лицейінде ҚХА беделді өкілдерін, этномәдени бірлестіктердің көшбасшылары мен ақсақалдарын, ҚМДБ мамандарын, мәдениет және спорт қайраткерлерін, ауыл, көше билері мен лидерлерін және өзге де беделді адамдарды тарта отырып, этникалық топтар арасындағы деструктивті діни ағымдарды ұстанушылардың алдын алу және оңалту жұмыстары бойынша алқалы жиын өтті.
Жиын барысында Қаратау ауданы әкімінің орынбасары М.Тәжібаев, дін мәселелерін зерттеу орталығының бөлім басшысы А.Оралбаев, қалалық өзбек этномәдени орталығы төрағасының орынбасары Т.Батырханова, қалалық ішкі саясат және жастар істері жөніндегі басқармасы «Қоғамдық келісім» мекемесінің бөлім басшысы, ҚР Мәдениет қайраткері А.Исаева этносаралық татулық пен тұрақтылықтың маңызы туралы, қазіргі уақытта белең алып отырған әртүрлі бағыттағы деструктивті діни ағымның алдын алу шаралары туралы, әлеуметтік желілердің балалар мен жастар психикасына кері әсері туралы мәселелер төңірегінде мәнді-мағыналы ойларын ортаға салды.
