«AMANAT» партиясының Сарыағаш ауданынан сайланған Түркістан облыстық мәслихат депутаттарының бірі – Жомарт Әбдібаев. Жомарт Махаматжанұлына Сарыағаш ауданында өткен қоғамдық қабылдау кезінде тұрғындар өз алғыстарын айтты. Айтуларынша, ауданға ең өзекті болған мәдениет ошағының салынуына халық қалаулысының еңбегі орасан. Игі іске мұрындық болған депутаттың аудан халқына бұған дейін де жасаған жұмыстары көп-ақ.
Үнемі жеке қабылдауына келушілердің айтқан ұсыныс-тілегіне назар аударып, орындалуына назар аударып, ықпал етіп келеді.
Сондай-ақ, Қанағат елді мекенінің тұрғыны Қайрат Пірімқұлов ауыл ішіне құбыры тартылып қойған ауыз судан сапалы су ішпей отырғандарын, құрылыс жұмыстарының сапасы сын көтермейтіндігін және елді мекенге ағын су жеткізіп беретін каналды бетондау жайлы мәселесін айтып, ертерек шешіп беру жайлы өтінішін білдірген.
Депутат Жомарт Әбдібаев мәселенің шешілуін бақылауға алып, депутаттық сауал жолдайтынын айтты.
