2024 жылғы 20-31 мамыр аралығында Қазақстанның бес қаласында технологиялар мен коммерция әлеміндегі басты іс-шаралардың бірі — Орталық Азияның 8 елін қамтитын Huawei Central Asia Commercial Roadshow өтеді.
Жаһандық технологиялық флагман Huawei компаниясы ұйымдастырған Roadshow цифрлық инфрақұрылымды дамыту және Қазақстан мен Орталық Азияның басқа да елдерінің алдында тұрған өзекті міндеттерді шешу мақсатында жетекші сарапшыларды, бизнес және үкіметтік құрылымдар өкілдерінің басын қосты.
Іс-шараның бірінші күні 20 мамырда Алматыда өтті, оның аясында байланыс, бұлтты есептеу, жасанды интеллект, заттар интернеті және басқа да көптеген салалардағы озық технологиялар ұсынылды. Іс-шара Таяу Шығыс және Орталық Азия өңірі бойынша Huawei Enterprise коммерциялық бизнес бағытының директоры Джейсон Янгтың құттықтау сөзінен басталды, ол компанияның Қазақстанның кәсіпорындарымен және мемлекеттік құрылымдарымен ұзақ әрі табысты ынтымақтастығы туралы атап өтті.
«Huawei үшін мемлекеттік және жеке секторда Қазақстанның көпжылдық серіктесі болу үлкен мәртебе. Осы жемісті ынтымақтастық жылдары ішінде біз елдің цифрлық экономикасын дамытуға бағытталған жобаларда бірлесе жұмыс істеп, бай тәжірибе жинақтадық», – деп атап өтті Джейсон Янг өз сөзінде.
«Мен бүгін серіктестерімізді қолдау үшін арнайы жасалған бірқатар инновациялық сервистік және цифрлық платформалардың әзірленгені туралы хабарлауға қуаныштымын. Бұл платформалар бизнесті жүргізуді жеңілдетуге, тауарлардың логистикасын оңтайландыруға, маркетинг пен білім беру ресурстарына қол жеткізуге арналған. Біз серіктестеріміздің қазіргі динамикалық әлемде табысқа жету үшін қажет нәрсенің бәріне ие болуын қамтамасыз етуге күш саламыз. Жаңа Huawei платформалары осы бағыттағы маңызды қадам болып табылады және олар біздің серіктестеріміздің бизнесін дамытудың таптырмас құралы болатынына сенімдімін».
Іс-шараның негізгі тақырыптарының бірі сапалы өнімдер мен қызметтерді ұсынуды ғана емес, сонымен қатар серіктестермен және клиенттермен олардың дамуының барлық кезеңдерінде белсенді өзара әрекеттесуді қамтитын коммерциялық нарықта қызмет көрсету стратегиясының таныстырылымы болды. Өз сөзінде Huawei компаниясының сервистік сарапшысы Адилет Кайрлапин Huawei-дің қаржыдан көлікке дейінгі салалардағы шешімдеріне сәтті қызмет көрсету мен іске асырудың мысалдарын ұсынды, бұл ұсынылған тәсілдердің әмбебаптығы мен тиімділігін көрсетеді. Сарапшы Huawei-дің клиенттерге қызмет көрсетуі жобалардағы серіктестерді қолдауды, нарықтарды кеңейтуге арналған икемді бизнес-модельдерді және компанияның жан-жақты көмегін қамтитынын атап өтті.
Huawei компаниясымен ынтымақтастықтың артықшылықтарын Marvel Kazakhstan компаниясының өкілі Дәурен Лұқпанов та растап, бизнесті дамыту мен өсірудегі мүмкіндіктердің кең ауқымын атап өтті.
«Біз Қазақстан аумағында, сондай-ақ ТМД-ның басқа елдерінде Huawei компаниясының ресми дистрибьюторы болып табыламыз. Компаниямыз Huawei-мен жетінші жыл жұмыс істеп келеді және бірге өте үлкен нәтижелерге қол жеткізді. Жыл сайын біз Huawei-мен бірге қолдаушыларды кем дегенде екі есе арттырамыз. Болашақта біз Huawei-ді сатуда Қазақстан бойынша көшбасшы болуды, сондай-ақ Huawei-ге үлкен жобаларды жүзеге асыруға көмектесетін сенімді дистрибьютор болуды жоспарлап отырмыз», – деді Дәурен Лұқпанов.
Сонымен қатар, іс-шарада коммерциялық нарыққа арналған аймақтық үкіметтік шешімдердің сценарийлері ұсынылды, оның аясында Huawei деректер көлемінің жылдам өсуі жағдайында жоғары өнімділікті, сенімділікті және желінің қауіпсіздігін қамтамасыз етуге қабілетті озық технологияларды көрсетті. Huawei корпоративтік желілеріне арналған шешімдер жөніндегі сарапшы Исламбек Баратжанов өз сөзінде атап өткендей, Үкіметтің жеңіл деректер орталығына арналған Huawei сценарийлік шешімі мемлекеттік және муниципалдық билік органдары үшін цифрлық жаңғыртуды жеңілдетеді. Олардың басты артықшылықтарына жергілікті басқару, жұмыс тиімділігін 100% арттыру, жеңіл және икемді жұмыс және Іntelligent O&M платформасының арқасында бірнеше минут ішінде ақаулықтарды жою мүмкіндігі бар интеграцияланған деректер орталығы кіреді.
Іс-шара барысында сонымен қатар Huawei-дің IP-желілеріне арналған шешімдері ұсынылды, олар желіде тұрақтылықты, қауіпсіздікті және деректерді берудің жоғары жылдамдығын қамтамасыз етуге уәде береді, ал бұл өз кезегінде цифрландыру дәуіріндегі негізгі фактор болып табылады. Huawei желілік шешімдері бойынша сарапшы Сергей Аксенов Wi-Fi 7 жаңа буыны сымсыз байланыс әлемінде революциялық өзгерістерге әкеліп, жоғары деректер жылдамдығын, сенімділік пен байланыс қауіпсіздігін қамтамасыз ететінін атап өтті. Бұл әсіресе желінің жылдамдығы мен сенімділігі өнімділік пен бәсекеге қабілеттілікті арттыру үшін өте маңызды коммерциялық кәсіпорындар үшін өте маңызды.
Huawei Central Asia Commercial Roadshow Шымкентте (23 мамыр) жалғасады, кейiн Атырауда (27 мамыр), Ақтөбеде (29 мамыр) өтеді және Астанада (31 мамыр) мәресіне жетеді. Қазақстан мен Орталық Азия үшін роудшоу маңызды оқиға болып табылады, өйткені ол технологиялық даму мен халықаралық ынтымақтастық үшін жаңа көкжиектер ашады. Сонымен қатар, Huawei Central Asia Commercial Roadshow Орталық Азия әлемдік технологиялық аренада маңызды ойыншы бола алатындығын көрсете отырып, аймақ үшін цифрлық трансформацияның маңыздылығын атап көрсетеді. Оқиға сонымен қатар инвестицияларды тартуға және инфрақұрылымды дамытуға ықпал етеді, бұл ұзақ мерзімді перспективада бизнеске де, жалпы қоғамға да айтарлықтай пайда әкелетіні сөзсіз.
