Еліміздің жоғары оқу орындарында педагог мамандарды даярлаудың 30 инновациялық білім беру бағдарламасы әзірленген.Өткен жылдың соңында Ғылым және жоғары білім министрі Саясат Нұрбек Үкімет үйінде өткен баспасөз мәслихатында бұл туралы айтып өткен болатын.
«Дүниежүзілік банк жобасы аясында педагогикалық білім беру әлеуеті күшейтілуде. Оның ішінде, педагогикалық білім беру моделін әзірлеп, жоғары оқу орындарының профессорлық-оқытушылары біліктілікті арттыру курстарынан өтті. Осыған дейін 30 инновациялық білім беру бағдарламасы әзірленді», — деген еді министр.
Жалпы, инновациялық білім беру бағдарламаларының ерекшелігі зерттеу дағдыларын дамыту, білім беру жүйесін цифрландыру және мұғалімдердің цифрлық құзыреттілігін дамыту. Сондай-ақ өмір бойы оқыту әдістерін қамтитын инклюзивті педагогиканы жаңартуға баса назар аударылып жатыр.
Бұл орайда, «Арнайы педагогика» бағдарламасы 13 оқу орнын ерекшелігі бар балалармен жұмыс істеуге арналған. Ол арнайы жабдықтармен және 25 жоғары оқу орны пәндік кабинеттермен жарақтандырылады.
Жалпы елімізде жоспар бойынша елімізде жасанды интеллект саласында жыл сайын 1000 маман даряланады деп жоспарланған. Мемлекет басшысының айтуынша, алдағы уақытта кейбір отандық жоғары оқу орындарында «Google» және «Huawei» халықаралық компанияларының тиісті курстары өтпек. Корея мен Қытайдың жоғары оқу орындарымен білім беру және мамандарды бірлесіп даярлау бойынша келісім жасалды.
Еске сала кетсек, жасанды интеллект саласында жыл сайын 100 стартап іске қосу бойынша міндет қойылып отыр.
Осы ретте таяуда «ҚТЖ» ҰК» акционерлік қоғамы мен Қытайдың Huawei компаниясы бірлесіп құрған жаңа Инновациялық орталық ашылды. «ҚТЖ» ҰК» АҚ басқарма төрағасы Нұрлан Сауранбаевтың айтуынша, аталған орталық «Ақылды темір жол» жобасын жүзеге асыру мақсатында құрылған.
