Инновациялық құндылықтар креативтілік, өзіндік ерекшелік және жаңа идеялар мен шешімдерді іздеуге басымдық беретін және алға жылжытатын қағидаттар мен сенімдер жиынтығын білдіреді.
Бұл құндылықтар адам әрекетінің түрлі аспектілерінде, соның ішінде технология, ғылым, бизнес және әлеуметтік прогрессте инновацияның маңыздылығын мойындайды. Осы орайда саяси ғылымдарының кандидаты Мұрат Насимов өз ойын білдірді.
Инновациялық құндылықтар жайынды ой қозғасақ, бүгінде бұл мәселе ҚР Ғылым және жоғары білім министрлігінің Ғылым комитеті қаржыландырып отырған «Қазақстанның оңтүстік өңірлеріндегі дәстүрлі және инновациялық құндылықтар үдерістерін мәдени талдау» ғылыми жобасы аясында қарастырылып жатыр.
– Инновациялық құндылықтар адам мен қоғамның инновация тұжырымдамасына қатысты нұсқаулары мен сенімдерін білдіреді. Осы құндылықтар инновацияларды жүргізу және енгізуге байланысты азаматтардың көзқарасы мен басымдықтарын қалыптастыруға көмектеседі. Инновациялық құндылықтар іс-әрекеттер мен шешімдерді бағыттау үшін ғана емес, инновацияларды қабылдайтын және қолдайтын мәдениетті құру үшін де маңызды. Мәселен, кейбір мекемелер қызметкерлерді креативті ойлау, тәуекелге бару және үнемі жетілдіруге ынталандыру үшін корпоративтік мәдениетінің бөлігі ретінде нақты инновациялық құндылықтарды дамытады және алға жылжытады. Бұл құндылықтар мекеменің өзгерістерге бейімделу, бәсекеге қабілетті болып қалу және түрлі салаларда прогреске жету қабілетіне әсер етуі ықтимал, – дейді ғалым.
Еске сала кетсек, жоспар бойынша елімізде жасанды интеллект саласында жыл сайын 1000 маман дарялануы керек. Мемлекет басшысының айтуынша, алдағы уақытта кейбір отандық жоғары оқу орындарында «Google» және «Huawei» халықаралық компанияларының тиісті курстары өтпек. Корея мен Қытайдың жоғары оқу орындарымен білім беру және мамандарды бірлесіп даярлау бойынша келісім жасалды. Жасанды интеллект саласында жыл сайын 100 стартап іске қосу бойынша өршіл міндет қойылып отыр.
