Цифрлық даму, инновациялар және аэроғарыш өнеркәсібі министрі Бағдат Мусин телефон алаяқтарымен күрес қалай жүріп жатқанын ескертті. Ол бұл мәселені бірнеше рет Ішкі істер министрлігі және байланыс операторларымен талқылағанын жеткізді.
«Ұялы байланыс операторлары тиісті интеграцияны жүргізіп жатыр. Олардың әрқайсысы алаяқтарды анықтауды үйреніп келеді. Енді олар бір-бірімен жалпы ақпарат алмасуды күшейту бағытында тиісті интеграцияны іске асыруда. Бұл жұмыстар алаяқтардың нөмірлерін анықтап, оларды бұғаттауға бағытталған. Операторлар алаяқтар пайдаланатын нөмірлерді бұғаттауды үйренді. Қазір алаяқтардың әрекеттері азайып келеді. Дегенмен бұл алаяқтардың телефон нөмірлерімізді пайдалануы және оларды шетелге шығару мүмкіндігі әлі де бар», – деді Бағдат Мусин.
Сондай-ақ ол телефон алаяқтық дерегін азайту үшін ақпараттық қауіпсіздікті күшейту керегін атап өтті.
Мұнда бір SMS арқылы несие беру мүмкін болмас үшін екінші деңгейлі банктермен мәселені пысықтау керек. Бүгінде кредит алу өте оңай. Біз үш факторлы сәйкестендіруді ұсынып отырмыз яғни міндетті форматтағы геометриялық сәйкестендіру қажет. SMS екінші фактор болса, үшінші фактор аясында барлық рәсім электрондық қолтаңбамен бекітілуі тиіс, – деді министр.
Министр тапсырмасына сай интернет алаяқтық қылмыстарының алдын алу мақсатында профилактикалық жұмыстар жүргізілуде.
Түркістан облысына қарасты Түлкібас АПБ қызметкерлері аудан аумағында интернет алаяқтық қылмыстарының алдын алу мақсатында профилактикалық жұмыстар жүргізуде. Осыған орай Түлкібас ауданының полицейлері интернет алаяқтардан абай болу керектігін, өз жинақтарына ұқыпты болуы қажеттігін еске салады. Сонымен қатар алаяқтардан сақ болудың қарапайым қауіпсіздік шараларын қолданып, дербес деректерді, пластикалық карталардың мәліметтерін, кодтарды және құпия сөздерді ешкімге хабарламауға, белгісіз әрі тексерілмеген сайттар арқылы алдын ала төлем жүргізбеуге шақырады. Сондай-ақ күмәнді мәмілелер бойынша ақша аударымдарын жүзеге асырмауға, ұялы телефон мен компьютерге белгісіз қосымшаларды орнатпауға және спам хабарламаларға сенбеу туралы ескертеді.
