Түркістан қаласындағы химия-биология бағытындағы Назарбаев Зияткерлік мектебінің оқушылары Алматы қаласында өткен “NIS HACKATHON-2024” алғашқы IT-чемпионатында жүлделі орындар алды. IT-чемпионатта жас IT-кәсіпқойлар бір тәулік ішінде 44 бағдарламалық өнім жасап, атап айтатын болсақ, мобильді қосымшалар, сайттар, web-сервистер әзірлеп рекорд орнатты. Сайысқа еліміздің барлық Зияткерлік мектептерінен 180-ге жуық үздік бағдарламашы-әзірлеушілер қатысты.
24 сағат ішінде жоғары және кіші лигадағы командалар білім беру саласында ұсынылған сегіз мәселенің бірін шешу, оның технологиялық шешімін табу үшін “EdTech” тақырыбында өздерінің бағдарламалық өнімдерін ұсынды.
Түркістан қаласындағы NIS атынан кіші лигаға қатысқан оқушылар “EduVR” жобасын қорғап, 1-орынға ие болды.
EduVR-бұл тарихқа, физикаға, биологияға және химияға терең енуді ұсына отырып, дәстүрлі білім беруді өзгертетін виртуалды білім беру платформасы.
Кіші лигаға қатысқан оқушылар тізімі:Абдугаппарова Зиёда 9-сынып оқушысы,Мамаджанова Шодиена 9-сынып оқушысы,Турсынкулова Одина 9-сынып оқушысы,
Розмухамматов Саидахмад 9-сынып оқушысы.
Жоғары лигаға қатысқан оқушыларымыз “Spark AI” жобасын қорғап “Үздік презентация” номинациясын жеңіп алды. Spark AI – студенттер мен тәлімгерлерге арналған жобалық жұмыстарды жариялауға арналған әлеуметтік желі. Сонымен қатар, Spark AI жобаларды орналастыруға және ыңғайлы жобалауға мүмкіндік беретін платформа.
Жоғары лига мектеп атынан қатысқан оқушыдар тізімі:Асылбек Диас 11-сынып оқушысы,Гайдаенко Алихан 11-сынып оқушысы,Рахманбердиев Сардорбек 11-сынып оқушысы, Сартай Алпамыс 11-сынып оқушысы. Оқушыларды және жоба жетекшісі, мектебіміздің информатика пәнінің мұғалімі Липакова Ирина Николаевнаны жеңістерімен шын жүректен құттықтаймыз!
