Түркістан облысының тұрғындары үшін арнайы еліміздегі финтех нарығының дамуы интернет-технологиялардың дамуы және IT мемлекет немесе финтех болашағы жайында біраз мағлұматтарды ұсынамыз. Бүгінде Түркістан облысында жастар арасында IT технологиялар мен робототехниканы дамыту мақсатында түрлі чемпионаттар мен шаралар өткізілуде. Сондай-ақ, түркістандық жастар үшін де арнайы үйірмелер ашылған. Қазіргі таңда Түркістан облысында халықтың 93 пайызы интернет желісімен қамтылған. Түркістан облысы аумағындағы 831 ауылды елдімекеннің 654 елдімекені 3G және 4G мобильді интернет желісімен қамтылған. Облыс халқының санына шаққанда интернетпен қамтылу деңгейі 93%-ға жетіп отыр. Интернетпен қамтылмаған 177 ауылдық елдімекенде небәрі 145 968 тұрғын тұрады. Ол елдімекендердің 115-і 2G мобильді байланыс желісімен қамтылған, қалған 62 елдімекенде байланыс мүлде жоқ. Аталған 62 елдімекеннің 43-і министрлікпен айқындалған талаптарға сәйкес келмеуіне, халық санының аздығына байланысты ұялы байланыс операторлары базалық станция орнатудан бас тартып отыр. Қалған 19 елдімекенді алдағы жылдары ұялы байланыс операторларының лицензиялық міндеттемелеріне енгізу пысықталып жатыр. Жалпы Түркістан облысы бойынша сапалы интернетпен қамтуды қажет ететін, бірақ техникалық мүмкіндігі жоқ 134 елдімекен бар. Қазіргі уақытта осы елдімекендерді сапалы интернетпен қамту мақсатында салалық министрлікпен және Түркістан облысы әкімдігі арасында жол картасын бекіту жұмыстары жүргізіліп жатыр. 2023-2027 жылдар арасында облыста сапалы интернетпен қамту деңгейі 99,8% жетеді деп жоспарлап отырмыз. Түркістан облысы бойынша 3G стандартын қолданатын 437 елдімекеннің базалық станцияларын 2023-2029 жылдар аралығында 4G стандартына модернизациялау жоспарланған. Бүгінде облыста тұрғындарды қосымша интернетпен қамтамсыз ету бойынша тиісті мекемелермен «Қолжетімді интернет» ұлттық жобасы әзірленуде.
