Түркістан қаласының тұрғындарының назарына «Цифрлы Қазақстан» бағдарламасы жөнінде ақпараттарды ұсынамыз. «Цифрлы Қазақстан» секілді бағдарламалар – ұлтымыздың, яғни мемлекетіміздің XXI ғасыр талаптарына даярлаудың басты қамы. IT технологияларды барлық салаға енгізіп, қаржылық сауаттылықты дамытуга аса көңіл бөлу қажет. Жалпы алып қарасақ, «Цифрлық Қазақстан» мемлекеттік бағдарламасының ең негізгі мақсаты – Қазақстан Республикасы тұрғындарының өмір сапасын жақсарту, сонымен қатар ұлттық экономиканы цифрландыру. Әлемдік нарықта ІТ саласы ауқымды орын алып отыр. Сондықтан, біз болашақ жастар осы салаға мамандандырып бағытталатын болсақ, әлемдік нарыққа кіретініміз анық. Себебі, заман талабы осындай. Бұл дегеніміз – үлкен орталық, статистикалық ақпараттарды жинау, оған дұрыс анализ жасау, қорытынды ретінде көрсету. Цифрлы технология өзін-өзі ақтайтын және экономиканы қарқынды дамытудың сенімді құралы болып табылмақ. IТ бизнесі де бүгінгі таңда өзекті. Көптеген кәсіпкерлер бұл салада жақсы табыс табу мүмкіндігін көреді, алайда бұл үшінде белгілі бір білім мен дағдылар қажет. Көптеген IT бизнес бағыттары бар, бірақ ең бастысы – бағдарламалық жасақтама жасау, тапсырыс бойынша қамтамасыз ету. Бүгінгі таңда ІT технологиялар бизнестің барлық салаларында қолданылады. Жаңадан бастаған кәсіпкерлердің жаңа IT компанияны бастау үшін барлық шарттары бар, өйткені бұл бағыттың өсу перспективалары зор. IT қоғамның ақпараттық ресурстарын жандандыруға және тиімді пайдалануға мүмкіндік береді, олар бүгінде оның дамуының маңызды стратегиялық факторы болып табылады. Тәжірибе көрсеткендей, ақпараттық ресурстарды (ғылыми білім, жаңалықтар, өнертабыстар, технологиялар, озық тәжірибелер) жандандыру, тарату және тиімді пайдалану ресурстардың басқа түрлерін: шикізатты, энергияны, пайдалы қазбаларды, материалдар мен жабдықтарды, адам ресурстарын, әлеуметтік уақытты айтарлықтай үнемдеуге мүмкіндік береді.
