Атам қазақ «Қариясы бар елдің, қазынасы бар» деп бекер айтпаса керек. Түркістан қалалық полиция басқармасы мен Түркістан облыстық ақсақалдар алқасы және ардагерлер кеңесінің мүшелерінің қатысуымен бірлескен отырыс өткіздік.
Жиынға Түркістан қалалық полиция басқармасының бастығы, полиция подполковнигі Б. Жанаев, Түркістан облыстық ақсақалдар кеңесінің төрағасы Жарылқасын Әзіретбергенов бастаған ардагерлер кеңесі мен ақсақалдар алқасының мүшелері және басқарма қызметкерлері қатысты. Кеңес отырысын Түркістан облыстық ақсақалдар кеңесінің төрағасы Жарылқасын Әзіретбергенов жүргізіп отырды.
Отырыстың мақсаты – қала аумағындағы тәртіпті, әкімшілік құқықбұзушылықты болдырмау, қылмыстың алдын алу және қала тұрғындары мен қонақтарының қауіпсіздігін қамтамасыз ету іс-шарасына бірлесе отырып, тиісті жұмыстар атқару болатын. Сонымен қатар, полиция қызметкерлері мен ардагерлердің арасындағы байланысты нығайту, халықпен тиімді әрі тығыз қарым-қатынас орнату.
Отырыс барысында қала аумағындағы кемшіліктер, жол-көлік оқиғаларының алдын алу, ойын-сауық орындарындағы алкагольдік ішімдік түрлерін сатуды азайту, демалыс және қоғамдық орындарда орын алатын кикілжіңдердің тіркелуіне жол бермеу, кісі өліміне алып баратын жайттарды болдырмау, алдын алу, қаланың тыныштығын сақтау мәселелері талқыланды.
Түркістан қалалық полиция басқармасының бастығы, полиция подполковнигі Б. Жанаев Түркістан қалалық полиция басқармасының жыл басынан бергі атқарылған жұмыстарын баяндап, бірқатар маңызды мәселелелерге тоқталды. Соның ішінде полиция қызметкерінің имиджін қалыптастыруда тыңғылық жұмыстар атқарылып жатқанын тілге тиек етті.
Жалпы отырыс барысында қариялар мен ақсақалдар тарапынан айтылған ұсыныс-пікірлер хаттамаға енгізіліп, алдағы уақыттағы жұмыс барысында кезең-кезеңімен жүзеге асырылатын болып келісілді.
