Келес ауданында ауыл халқының әл-ауқатын арттыруға бағытталған кездесу өтті

21
Келес ауданында ауыл халқының әл-ауқатын арттыруға бағытталған «Ауыл аманаты» бағдарламасының іске асырылу барысы кеңінен талқыланған маңызды мәжіліс өтті. Жиында бағдарламаның тиімділігі, ауыл тұрғындарын жұмыспен қамту, кәсіпкерлікті дамыту және халықтың табысын арттыру бағытындағы атқарылып жатқан жұмыстар сараланды.
Басқосуда өндірістік кооперативтердің жұмысын жандандыру, жеңілдетілген несиенің тиімділігін арттыру және отбасының цифрлық картасындағы әлеуметтік осал санаттағы тұрғындарды тұрақты табыс көзіне бағыттау мәселелері қаралды. Жиынға Келес ауданының әкімі Жәнібек Ағыбаев төрағалық етті.
Мәжіліске жұмысшы топ мүшелері, аудан әкімінің орынбасары, жауапты бөлім басшылары, ауыл және ауылдық округ әкімдері, өндірістік кооператив төрағалары, кәсіпкерлер мен сала мамандары қатысты. Жиын барысында «Ауыл аманаты» бағдарламасы шеңберінде қаржыландырылған жобалардың бүгінгі жай-күйі, кооперативтердің нақты жұмысы, ауыл тұрғындарын кәсіпке тарту тетіктері және әлеуметтік осал топтағы азаматтардың табысын арттыру бағытындағы міндеттер жан-жақты талқыланды.
Келес ауданының әкімі Жәнібек Ағыбаев бұл бағдарламаның қағаз жүзіндегі көрсеткішпен шектелмей, нақты нәтижеге жұмыс істеуі қажет екенін атап өтті.
—

Әрбір ауылдық округте құрылған кооператив тұрғынға шынайы табыс әкелуі тиіс. Жеңілдетілген несие алған азаматтардың кәсібі жүріп, өнім өндіру, қайта өңдеу, мал шаруашылығы, егіншілік бағытындағы жұмыстары жандануы қажет. Біз үшін басты көрсеткіш — халықтың тұрмыс деңгейінің көтерілуі. Сондықтан әрбір жауапты басшы бұл іске формалды қарамай, нақты нәтиже көрсетуі керек, — деді аудан әкімі.

Сонымен қатар аудан басшысы кооперативтердің тиімді жұмыс істеуі ауылдық жерлердегі экономикалық белсенділікті арттырып, жаңа жұмыс орындарын ашуға мүмкіндік беретінін атап өтті. Оның айтуынша, мемлекет тарапынан беріліп жатқан қолдаулар нақты өндіріс пен тұрақты табысқа бағытталуы тиіс. Әсіресе, ауыл шаруашылығы өнімдерін қайта өңдеу, шағын өндіріс орындарын ашу және кооперативтер арқылы өнім өткізудің тиімді тетіктерін қалыптастыру маңызды екені айтылды.

— Біздің басты мақсатымыз – тұрғындардың табысын арттыру арқылы ауыл экономикасын дамыту. Әрбір кооператив нақты жобамен жұмыс істеп, ауыл азаматтарына тұрақты кәсіп көзін ұсынуы қажет. Сонда ғана мемлекеттік бағдарламалардың тиімділігі артып, халықтың әл-ауқаты жақсарады, — деді ол.

Аудан әкімі жеңілдетілген несие алған азаматтардың қаражатты мақсатты пайдалануына да ерекше назар аудару қажеттігін жеткізді. Қаржының тиімді игерілуі өндіріс көлемін арттырып, ауыл шаруашылығы саласында жаңа мүмкіндіктер қалыптастыратынын атап өтті. Сонымен бірге, жауапты сала басшылары мен ауыл әкімдеріне әрбір жобаның орындалуын тұрақты бақылауда ұстауды тапсырды.

— Кооперативтер тек қағаз жүзінде емес, нақты жұмыс істейтін құрылым болуы керек. Әрбір ауылда өнім өндіру, өңдеу және өткізу жүйесі қалыптасқанда ғана тұрғындардың әлеуметтік жағдайы жақсарып, ауылдардың экономикалық әлеуеті артады, — деді аудан басшысы.

Мәжілісте жұмысшы топ мүшелері тарапынан кооперативтердің әлеуетін арттыру, қаржыландыру мүмкіндіктерін тиімді пайдалану, кәсіп иелерін сүйемелдеу, жаңа жұмыс орындарын ашу және өнім өткізу нарығын кеңейту мәселелері бойынша нақты түсіндірмелер берілді.
Сонымен қатар отбасының цифрлық картасындағы «D» және «E» санатында тұрған отбасыларды анықтап, оларды жұмыспен қамту, кәсіпке бейімдеу, жеңілдетілген несие мен мемлекеттік қолдау шараларына қатыстыру арқылы «C» санатына шығару бойынша ауыл әкімдері мен сала басшыларына бірқатар міндеттер жүктелді.

Мәжіліс барысында «Ауыл аманаты» бағдарламасының ауылдық округтердегі экономикалық белсенділікті арттыруда маңызды рөл атқарып отырғаны айтылды. Бағдарлама аясында тұрғындарға жеңілдетілген несие беру арқылы мал шаруашылығы, егіншілік, өнім өндіру және қайта өңдеу салаларында жаңа кәсіп көздерін ашуға мүмкіндік жасалуда. Бұл ауыл тұрғындарының тұрақты табыс табуына және әлеуметтік жағдайының жақсаруына оң ықпал етуде.

Келес ауданы үшін бұл бағдарламаның әлеуметтік-экономикалық маңызы ерекше. Ауылдық жерлерде кооперативтер құру, шағын өндіріс орындарын іске қосу және кәсіпкерлікті қолдау арқылы жергілікті экономиканың дамуына серпін берілуде. Нәтижесінде жаңа жұмыс орындары ашылып, халықтың кәсіпкерлік белсенділігі артып келеді.

Сонымен қатар, бағдарлама аясында өндірілген өнімдерді қайта өңдеу және өткізу жүйесін қалыптастыру мәселелері де маңызды бағыттардың бірі ретінде қарастырылды. Бұл ауыл шаруашылығы өнімдерінің бәсекеге қабілеттілігін арттырып, ішкі нарықты сапалы өніммен қамтамасыз етуге мүмкіндік береді.

Жиында аудан басшылығы мемлекеттік қолдаудың нақты нәтижеге бағытталуы қажеттігін атап өтті. Әсіресе, жеңілдетілген несие алған азаматтардың кәсібін дамытуына тұрақты мониторинг жүргізу, кооперативтердің тиімді жұмыс істеуін қамтамасыз ету және әрбір жобаның нақты табыс көзіне айналуына басымдық беру мәселелері көтерілді.

Әлеуметтік тұрғыдан алғанда, «Ауыл аманаты» бағдарламасы ауыл тұрғындарының өмір сүру сапасын жақсартуға, жұмыссыздық деңгейін төмендетуге және әлеуметтік тұрақтылықты нығайтуға ықпал етуде. Тұрғындарды кәсіпке баулу және тұрақты табыс көзімен қамтамасыз ету арқылы атаулы әлеуметтік көмекке тәуелділікті азайтуға мүмкіндік туып отыр.

Экономикалық тұрғыдан бағдарлама аудан экономикасын әртараптандыруға және ауыл шаруашылығы саласының өнімділігін арттыруға негіз болуда. Бұл өз кезегінде Келес ауданының жалпы әлеуметтік-экономикалық даму көрсеткіштерінің жақсаруына ықпал етеді.