Түркістан облысы Келес ауданының Ошақты ауылдық округінде Қазақстан Республикасы Президентінің кезектен тыс сайлауына таң атысымен Сайлау учаскелерінде дауыс беруге келген тұрғындардың қарасы көп. Ел басшысын анықтайтын шараға жергілікті тұрғындар белсенді түрде қатысып жатыр. Бұл күні сайлауға бірінші болып келіп, дауыс берген ауыл азаматтары, сондай-ақ алғаш рет сайлауға қатысқан азаматтарға сайлау комиссиясы тарапынан сый-сияпат көрсетілді.
Сайлаушылардың келіп, дауыс беруі туралы ойлау – бұл биліктің міндеті емес, азаматтық қоғамның міндеті. Өйткені, өз кандидатына дауыс бере отырып, сайлаушы келешек ұрпақ үшін жаңашылдық әкеледі, болашақты айқындайды. Егер сіз сайлауды елемейтін болсаңыз, онда мұндай мүмкіндікті басқаларға беріледі.
Бүгін Ошақты ауылдық округінің төбе биі, ел ағасы Құрамыс ата әулетімен бірге келіп өз таңдауларын жасауда. Сайлау демократия талаптарына сай өтіп жатыр. Таңғы жетіден бастап жұмысқа кіріскен сайлау комиссиясының құрамы келушілерге қолайлы жағдай жасап, тұрақты мекенжайларына сәйкес қабылдау шараларын жүргізуде. Алғаш болып келген сайлаушыларымызға арнайы дайындалған сыйлықтарымызды беріп, олардың қуанышына себепкер болғанымызға қуаныштымыз, – дейді №374 сайлау учаскесінің төрағасы.
