Сайлау – оң өзгерістерге бастар жол. Биылғы сайлаудың ерекшелігі де осында. Аудан аумағында қоғамдық көліктер бүгінгі науқанға орай сайлаушыларды тегін тасымалдауда. Аудан орталығында төрт дана микроавтобустар сайлаушыларды өздері тіркелген учаскелерге жеткізуде. Сонымен қатар ауылдық округтерінде қызмет атқаратын автокөлік жүргізушілері де сайлаушыларға өз қызметін тегін жасауда.
– Бүгінгі болып жатқан саяси науқанның маңыздылығын ескере отырып тұрғындарды тасымалдап жүрген жүргізушілер сайлаушыларға тегін қызмет көрсетудеміз. Мұндағы мақсат – еліміздің басшысын сайлайтын маңызды шараға әр тұрғынның қатысуына сеп болсақ, еліміздің дамуына қосқан кішкене де болсын үлесіміз деп білеміз, – дейді Абай ауылының тұрғыны Тұрсынбай Өтегенов.
Айта кетейік, Келес ауданы бойынша 145 948 азамат тұратын болса, соның 71 363 сайлауға қатысуға мүмкіндігі бар. Оларға қызмет көрсету үшін ауданда 58 сайлау учаскесі құрылып, бүгін өз жұмысын жасауда.
