Келес ауданында бүгінгі еліміздегі кезектен тыс Президент сайлауында белсенділік танытуда. Таңғы сағат 07.00-ден жұмыстарын бастаған аудандағы 58 сайлау учаскесінлеріне барып дауыс беруге қатысқан аудан сайлаушыларының сағат 18.00-ге дейінгі мәлімет бойынша 81,04 пайызы өз таңдауларын жасаған.
Дауыс беру барысында аудан аумағында қоғамдық көлік иелері микроавтобустарымен сайлаушыларды өздері тіркелген учаскелерге жеткізіп, сайлаушыларға өз қызметтерін тегін жасап, қолғабыс жасауда.
Дауыс бергендердің қатарында бүгін өздерінің үйлену тойын атап өтпек болған Абылайхан мен Бақытгүлде бар. Олар өздері тіркелген №324 сайлау учаскесіне келіп, таңдауларын жасады. Жас жұбайлар сайлау учаскесінен тойхана төріне жол тартты.
Сайлау науқанына келестіктер бір кісідей атсалысып, еліміздің болашағы үшін өз таңдауларын жасауда. Атап айтсақ, бар саналы ғұмырын білім саласына, соның ішінде білім саласы қызметкерлерінің кәсіподақ ұйымын басқарған, еңбек ардагері, Сарыағаш және Келес аудандарының құрметті азаматы бүгінде 96 жасты алқымдаған ел қариясы Бейсенәлі Қырғызәлиев өз үйінде таңдау жасаса, ал 83 жастағы 1 генерал, 4 полковникті тәрбиелеп өсірген кейуана Гульчехра Нуруллаева №322 сайлау учаскесіне арнайы келіп, дауыс берді.
Ел Президентін таңдайтын науқанға 2020 жылы дүние есігін ашқан Ақасыл, Нұрасыл және Бекасыл атты үшемдердің атасы, әжесі және анасы Майра Омарова өсіріп отырған ұл-қыздарын жетектеп өз таңдауын жасау үшін №345 сайлау учаскесіне келіп сайлауға қатысты.
Сонымен қатар, Жуантөбе елді мекеніндегі №355 сайлау учаскесіне мүмкіндігі шектулі азамат Мадалиев Нұрсұлтан, №359 сайлау учаскесіне полиция учаскелік инпекторлары келіп, өз таңдауларын жасаса, дауыс беруге келген Келес ауданындағы Ұйғыр этномәдени бірлестігінің төрағасы Садвакасов Олег Пахиридинович “Біздің өміріміз, жас ұрпақ пен елдің болашағы осы таңдауға байланысты, мен өз таңдауымды жасадым”-дейді.
