Кентау қаласы маслихатының 29-шы сессиясында жаңа логотип ресми түрде бекітілді. Қала әкімінің орынбасары Ақнұр Байболова жаңа логотипті таныстырып, мағынасына түсіндірді. Барлық депутаттардан қолдау тауып, бір ауыздан бекіту туралы шешім қабылданды.
Жаңа логотип қаланы безендіруде, түрлі қажеттіліктерде кеңінен қолданылатын болады. Жаңа күннің бастауын алатын Кентаудың жаңа даму бағытын айшықтайтын геометриялы сызбалармен жасалынған. Барлығына түсінікті болу үшін қаланың атауы латын әрпімен жазылған.
Жалпы, қажеттілікке қарай түсін ауыстырып қолдануға болады. Басқаша айтқанда, бұл логотип туристік мақсаттарда пайдаланылатын болады. Сонымен қатар, жаңадан бекітілген логотип қаламызға туристердің көптеп келуіне бағытталған. Жаңа логотип авторы Динара Гужавина және жасап шығарған Urban Living компаниясының директоры Гульмира Байгабульова.
