Ел үшін саяи науқанға кентаулықтар қарқынды қатысуда. Атап айтсақ, Кентау қаласына қарасты Хантағы ауылының тұрғыны, 100 жастағы Әзтай Түкенбаева. Ғасыр жасаған ана ҚР Президенті сайлауында дауыс беріп, Хантағы тұрғындарын сайлауға белсенді қатысуға шақырды. Сондай-ақ, ғасыр құрдасы елдің амандығын Алладан тілеп, бата берді.
– Біз көптеген қиындықтарды көріп өстік. Сондықтан бейбіт өмірдің қадірін жақсы түсінеміз. Қазір тоқшылық заманда өмір сүріп жатырмыз. Аллаға мыңда бір шүкіршілік айтамын. Бұл күнді қой үстіне бозторғай ұя салған заман деп баға беремін, – деді кентаулық кейуана.
Айта кетейік, Кентау қаласы бойынша жалпы 35 сайлау учаскесі бар. Онда 55 932 сайлаушы тіркелген. Сайлау учаскелерінің барлығы қажетті материалдық-техникалық базамен толық қамтамасыз етілген. Бүгін қаладағы барлық қоғамдық көліктер таңғы сағат 07:00-ден бастап тегін қызмет көрсетуде.
