Үздіксіз цифрлық трансформацияны ескере отырып, киберқауіпсіздік және ақпараттық гигиена мәселелері туралы хабардар болу – әрбір азамат үшін маңызды. Бұл материал азаматтардың цифрлық кеңістікте өз қауіпсіздігін сақтаудың маңыздылығы туралы білімін кеңейтуге, оларды негізгі сақтық шараларымен және интернеттегі жауапты мінез-құлықпен таныстыруға мүмкіндік береді. Естеріңізге сала кетейік бірер жыл бұрын елімізде кибер полиция қызметі іске қосылады деп Ішкі істер министрі мәлімдеме жасаған еді. Бұл туралы Ішкі істер министрі Марат Ахметжанов түркістандықтармен кездесуінде айтты. Жаңа қызмет иелері IT технологияларды меңгерген кәсіби мамандардан жасақталады. Интернет алаяқтарға тап болған жәбірленушілерді тіркеп, ақшасын сақтап қалуға арналған шараларды сол жерде қабылдайды. Банктік есепшотын бұғаттауға көмек береді. Айта кетейік жақында Түркістан облысында тұрғындар қаржы пирамидасына 650 млн теңге салғаны мәлім болды. Қаражатын көбейтіп аламыз деп алданып қалғандар саны 2000-нан асады. Қазір осы жайтқа қатысты 2 қылмыстық іс қаралып жатыр. Сондай-ақ өңірде интернет арқылы алдаудың ауыр түрлерін тіркеу деректері 65,2%-ға өскен.
«Түлкібас және Төлеби, Жетісай, Мақтаарал аудандарының тұрғындары екені анықталған. Аталған істер бойынша тергеу сотының қаулысымен 2 әйелге қатысты 2 айға күзетпен ұстау бұлтартпау шарасы қолданылып, жалпы 15 күдіктіге қатысты бұлтартпау шарасы қолданылған», – дейді ТО Экономикалық тергеп-тексеру департаментінің аға жедел уәкілі Гүлзия Қарсыбай.
Бұдан бөлек, Түркістанда алаяқтық фактілері тиылмай тұр. Нақтырақ айтқанда облыс аумағында интернет арқылы алдаудың ауыр түрлерін тіркеу деректері 65,2%-ға өскен. Тіпті өңір басшысы қабылдауға жазылған тұрғындар арасында алданып қалып, ақша сұрап келушілер саны көбейіп бара жатқанын жеткізді.
«Жеке қабылдауға көп келеді тұрғындар. Олардың бәрі ақшасын пирамидаға салған. Несиеге кірген. Бір қарызды, бір қарызға жауып жүр. Өмірлік ұстаным жасап алған да содан белгісіз. Өздері қарыз алып, оны пирамидаға салып, одан лудоманияға кіріп кеткендер көбейді», – дейді Түркістан облысының әкімі Дархан Сатыбалды.
Киелі өңірдің сақшылары алаяқтарды азайту мен қарапайым тұрғындарды олардың құрығынан сақтандыру үшін жүйелі жұмыстарды одан әрі қарай жалғастыра беретін болады. Облыс полицейлері барша азаматтарға ұялы телефонға хабарласып, ақшаны кері аудару үшін код жолданды, соны айтып жіберіңіз деген сылтауларды тек алаяқтар ғана айтатынын, банк қызметкері мұндай мәліметті сұрамайтынын тағы да еске салады. Алаяқтарға алданбаңыздар!
