Түркістан қаласының тұрғындарының назарына кибербуллинг балалардың қауіпсіздігі үшін өте өзекті мәселе болып отырғандығы жөнінде ақпараттарды ұсынамыз. Интернет балалар мен жасөспірімдер арасында кездесетін кибербуллинг мәселесін туғызады. Мұндай жағдайларда ата-аналарға баланың интернетте уақыт өткізгеннен кейінгі нашар көңіл-күйіне, баланың мазасыздану немесе қозу, агрессия немесе ашулану жағдайына назар аудару ұсынылады, мұндай кезде балада әдеттен тыс жасырын мінез-құлық пайда болады, әсіресе бұндай кезде Интернетте қажетсіз ақпаратты пайдаланып, жиі ақша сұрайды.
Балалар мен жасөспірімдердің Интернетке кіруін қалай шектеуге болады.Балаларды электрондық пошта, чаттар, жедел хабар алмасу жүйелері, тіркеу формалары, жеке профильдер ж әне онлайн конкурстарға тіркелу кезінде жеке ақпараттарын бермеуге үйретіңіз.Балаларды сіздің рұқсатынсыз бағдарламаларды жүктемеуге үйретіңіз. Оларға вирустарды немесе басқа қажетсіз бағдарламалық жасақтаманы кездейсоқ жүктеп алуы мүмкін екенін түсіндіріңіз.Балаңызды интернетке қатысты кез келген қауіп немесе алаңдаушылық туралы хабарлауға үйретіңіз. Балаларға, егер олар сізге өз қауіптері немесе алаңдаушылықтары туралы айтқан болса, олардың қауіпсіз екенін ескертіңіз.Оларға спамнан қорғануға көмектесіңіз. Жасөспірімдерге нақты электрондық пошта мекенжайын интернетте бермеуге, қажетсіз хаттарға жауап бермеуге ж әне арнайы пошта сүзгілерін қолдануға үйретіңіз.Балаларға ешбір жағдайда желіні бұзақылық жасау, өсек айту немесе басқа адамдарға қорқыту үшін пайдалануға болмайтынын түсіндіріңіз.Жасөспірімдермен онлайн құмар ойындарының қиындықтарын ж әне олардың ықтимал қаупін талқылаңыз. Балалар бұл ойындарды заң бойынша ойнай алмайтынын ескертіңіз.
