Түркістан қаласының тұрғындарының назарына Кибер ала аяқтық – бұл, пайдаланушыларды алдау мақсатымен кибер қылмыстың бір түрі екендігін айтамыз. Хакер құпия мәліметтерді ұрлау , заңсыз түрде қалай да болса пайдаланушының дербес ақпаратын материалдық пайданы алу мақсатында пайдаланады. «Қазақстанның Киберқорғауы» тұжырымдамасы мен «Цифрлық Қазақстан» мемлекеттік бағдарламасының іс-шараларын іске асырудың белсенді қатысушыларының бірі – «Мемлекеттік техникалық қызмет» акционерлік қоғамы («ГТС» АҚ) болып табылады. Компанияның өз саласында киберқауіпсіздік жүйесін дамытудағы елеулі нәтижелерінің арқасында Халықаралық электрбайланыс одағының ресми есебіне сәйкес Қазақстан Республикасы Киберқауіпсіздіктің халықаралық рейтингінде 31-орында тұр. Мұндай елеулі нәтижелерге екі жыл ішінде «Киберқалқан» тұжырымдамасын іске асыру шеңберінде қол жеткізілді.
Мәселен, 10 жылдан астам уақыт бойы «МТК» АҚ Қазақстанның электрондық шекарасын қорғау үшін жұмыс істеп келеді. Сондай-ақ ақпараттандыру және ақпараттық қауіпсіздікті қамтамасыз ету салаларында монополиялыққызмет түрлерін жүзеге асырады. Олардың ішінде:
— Компьютерлік инциденттерге ден қою (KZ-CERT);
— Мемлекеттік органдарды ақпараттандыру объектілерінің ақпараттық қауіпсіздігі оқиғаларының мониторингі;
— «Электрондық үкімет» ақпараттандыру объектілерінің ақпараттық қауіпсіздігін қамтамасыз ету мониторингі;
— Зиянды кодты зерттеу;
— «Электрондық үкіметтің» ақпараттандыру объектілерінің ақпараттық қауіпсіздік талаптарына сәйкестігін сынау;
— Интернетке қол жеткізудің бірыңғай шлюзі және «электрондық үкіметтің» бірыңғай электрондық пошта шлюзі (ЭҮАШ);
— Қазақстан Республикасының аумағында қалааралық және халықаралық байланыс операторларының Интернет-трафигімен алмасу нүктелерін ұйымдастыру және техникалық сүйемелдеу.
«ГТС» ақ технологиялық шешімдерінің арқасында күн сайын 1 млн-ға жуық шабуыл тойтарылады. Сонымен қатар күн сайын мемлекеттік құрылымның тұтастығын қамтамасыз ету үшін ЭҮАШ арқылы алынған хаттарды тексеру жүзеге асырылады, онда 500 мың хаттың тек 180-200 мыңы ғана жетеді, қалған хаттар спам-таратылым болып табылады немесе зиянды бағдарламалық қамтамасыз етуді қамтиды.
