Түркістан қаласының тұрғындарының назарына Қазақстанның киберқалқаны саласын дамытуға арналған бекітілген тұжырымдамаларды ұсынамыз. Соңғы жағдайларға көз жүгіртсек әсіресе кибер алаяқтықтың өршіп бара жатқанын байқаймыз. Бұл жағдайлар әлем бойынша жалғасып келеді. Дамыған елдер қатарына қосыламыз десек, елдің хал-ахуалын, әлеуметтік жағдайын көтереміз десек кибер сана қалыптастыруымыз керек. Осы орайда өңірімізде орын алған алаяқтық қылмыстар жайлы аз-кем ақпарат беріп өтуді жөн көрдік.
Мәселен, жуырда 65 млн теңгені жымқырған алаяқтар ұсталды. Олар Түркістан мен Ресейде отырып жұмыс істеген алаяқтық топ екені мәлім болды. Жарты жылда олар 27 қазақстандықтың қаражатын қолды еткен. Шымкентте қазақстандықтардың есепшотынан 65 млн теңгеден астам қаражат жымқырған киберқылмыстық топ сотталды. Тергеу амалдары интернет алаяқтардың құрбаны болған қала тұрғынының арызынан басталды. Банктің жалған қызметкерлеріне сенген азамат 4 млн теңгесінен айырылған.
“Банкирлер” белгісіз нөмірден қоңырау шалып, оның қаржысына қол сұғу ықтималдығы туралы хабарлап, ақшасын сақтап қалу үшін телефон арқылы бірнеше онлайн операцияларды орындауын сұрады. Осылайша, қала тұрғыны екі несие рәсімдеп, оларды “қауіпсіз” шоттарға аударған. Тергеушілер аталған жайтты ҚР ҚК-нің 190-бабы (Алаяқтық) бойынша тіркеді. Іздестіру шараларына қалалық полиция департаментінің киберқылмыспен күрес жөніндегі арнайы тобы жұмылдырылды. Атқарылған бірқатар жедел жұмыстар күдіктілердің ізіне түсуге мүмкіндік берді. Қылмысты бүкіл ел бойынша әрекет еткен алаяқ топ жасағаны белгілі болды”, – делінген хабарламада.
Алаяқтық жолмен оңай олжаға кенелгісі келетіндер қатарында адамдарға белгілі бір мерзім ішінде ақшаларын бірнеше пайызға көбейтіп беретіндіктерін айтса, екіншісі мемлекет тарапынан жұмыссыз жүрген жандарға кәсіп ашып, «екі қолға бір күрек» табу мақсатында берілетін қайтарымсыз грантқа қол жеткізуге уәде етеді. Одан бөлек, баспана мәселесін кезекке тұрмай-ақ шешіп беремін деп алдаусыратады. Әлеуметтің жанды жерін дөп басатын алаяқтар елдің қаржылық сауатының төмендігін осылай пайдаланады.
