ҚР Президентінің “Әкімдердің халықпен кездесулерін өткізу туралы” Жарлығына сәйкес, қоғамды одан әрі демократияландыру, елде жүргізіліп жатқан реформалар туралы халықты хабардар ету, жергілікті атқарушы органдардың ашықтығын және жауапкершілігі мен есептілігін арттыру мақсатында және бекітілген жоспар бойынша Мақтаарал ауданының әкімі Бақыт Асанов Достық ауылдық округінің тұрғындарымен көшпелі кездесу өткізді.
Жиын барысында Бақыт Насырханұлы жыл басынан бері атқарылған жұмыстар жөнінде баяндама жасап, алдағы атқарылатын жұмыстар мен жобалар туралы кеңінен ақпарат берді. Сонымен қатар, кездесуде халықты толғандырған әлеуметтік мәселелерге баса назар аударып, округтегі өзекті мәселелер және оның шешімі туралы айтып өтті.
Жиын соңында халыққа ашық микрофон ұсынылып, тұрғындар спикерге өздерін толғандырған сұрақтарды қойды. Б.Асанов мәселе көтерген және сұрақ қойған әрбір тұрғынға кезекпен жауап беріп, кезек күттірмейтін мәселелер шешімін табатынын айтып түсіндірді.
Одан бөлек, бекітілген жоспар бойынша Мақтаарал ауданының әкімі Бақыт Асанов Ж.Нұрлыбаев ауылдық округінің тұрғындарымен көшпелі кездесу өткізді. Жиын барысында Бақыт Насырханұлы жыл басынан бері атқарылған жұмыстар жөнінде баяндама жасап, алдағы атқарылатын жұмыстар мен жобалар туралы кеңінен ақпарат берді. Сонымен қатар, кездесуде халықты толғандырған әлеуметтік мәселелерге баса назар аударып, округтегі өзекті мәселелер және оның шешімі туралы айтып өтті.
Жиын соңында халыққа ашық микрофон ұсынылып, тұрғындар спикерге өздерін толғандырған сұрақтарды қойды. Б.Асанов мәселе көтерген және сұрақ қойған әрбір тұрғынға кезекпен жауап беріп, кезек күттірмейтін мәселелер шешімін табатынын айтып түсіндірді.
Сонымен қатар, аудан әкімі Достық ауылдық округінде болып, осындағы ең биікте орналасқан К-19 каналының мәселесімен тереңірек танысты. Жиынға ауыл шаруашылығына және ағын суға жауапты басшылар мен мамандар, ауылдық округ әкімі және шаруалар қатысты. 3900 гектар егістік алқапқа ағын су жеткізетін каналдың сыйымдылығы 4 м3/с құрайды. Ағын су арнасында 0,5 кубтық 2 бірдей насос орнатылған. Аталған насостар 98-пикеттегі судың деңгейі 180 сантиметрге түсіп кеткен жағдайда ғана қосылады. Қазіргі таңда су деңгейі 210 сантиметрге жетіп, К-19 каналына насостарсыз-ақ 1,9 м3/с ағын су келіп тұр. Аудан басшысы аталған каналдан су алатын шаруаларға шұғыл түрде мақта алқаптарын жаппай суару керектігін ескертті. Жауапты басшыларға түсіндіру жұмыстарын ұйымдастырып, шаруаларды ертерек мақта суғаруға шақыру керектігін тапсырды.
“Мұнда вегетациялық науқан өте төмен деңгейде жүргізілуде. Каналдан ағын су ішетін 2700 гектар мақта алқаптың 250 гектары ғана су ішкен. Тамыз айында ағын су жетіспеушілігі орын алады. Сондықтан, барлық шаруаларды шұғыл түрде мақталық алқаптарды суғаруға шақырамын” – деді, Бақыт Насырханұлы.
Жиын барысында шаруалар өз ұсыныстарын айтып, аудан әкіміне сұрақтар қойды. Мәселен, вегетациялық науқан кезінде су деңгейі түсіп кетсе жоғарыда аталған 0,5 кубтық 2 бірдей насостар қосылғанның өзінде егістік алқаптарға су жеткізу қиындай түседі. Сондықтан, мәселені шешу үшін қосымша насостар қажет етіледі. Мәселенің анық-қанығымен толық танысқан аудан басшысы тиісті сала басшыларына арнайы тапсырма беріп, қосымша насостарды сатып алу, орнату бойынша шұғыл әрекет жасау керектігін атап өтті.
Сондай-ақ, аудан әкімі Бақыт Асанов Мырзакенттегі құрылыс жұмыстары аяқталуға таяу қалған спорт сарайымен танысты. Қазіргі таңда құрылыс нысанының ішкі әрлеу жұмыстары жүргізілуде. Тамыз айында пайдалануға берілетін нысан аудан жастарының көптеген спорт түрлерімен кәсіби деңгейде айналысуына мүмкіндік береді.
Спорт сарайы 2 қабаттан тұрады. 2 үлкен спорт залы, жаттығу залы және сабақ өтуге арналған арнайы залдары бар. Бірінші қабаттағы спорт залында спорттың гандбол, баскетбол, волейбол түрлері дамытылатын болады. Ал, екінші қабаттағы спорт залында күрес, бокс, гимнастика, ауыр атлетика, жеңіл атлетикамен айналысуға барлық жағдай қарастырылады. Бұдан бөлек, әкімшілік қызметкерлеріне арналған кабинеттер мен бөлмелер, дәрігерлердің кабинеті, киім ауыстыратын және жуынатын бөлмелер, спортпен шұғылданушылардың демалуына арналған үй-жайлар, санузельдер және ғимарат сыртында автотұрақ пен шағын футбол алаңшасын орналастыру жоспарланған. Аудан басшысы құрылыс нысанының жобалық-сметталық құжаттамаға сәйкес сапасын тексеріп, кейбір орын алған кемішіліктер бойынша ескертулер берді. Сондай-ақ, нысанды өз уақтыныда тапсыру керектігін атап өтті.
Бұдан бөлек аудандағы Бақыт Асанов құрылысы аяқталған жаңа әкімшілік ғимаратымен танысты. Жаңа нысан шілде айының соңына дейін пайдалануға беріледі деп күтілуде. Мырзакент кентінің Мадиходжаев көшесінде орналасқан алып ғимарат аудан орталығының келбетіне және де көрік қосып тұр. 3 қабаттан тұратын ғимаратта мемлекеттік қызметшілер мен мемлекеттік қызмет алуға келген аудан тұрғындары үшін барлық техникалық-материалдық жағдай жасалуда. Аудан басшысы құрылысы аяқталған нысанның барлық қабаттары мен кабинеттерін аралап көріп, жобалық-сметалық құжаттамасына сай сапасын тексерді. Мердігерлерге техникалық-материалдық жабдықталуын тездету керектігін айтты. Сондай-ақ, дербес бөлімдерді көшуге дайындай беру керектігін тапсырды.
Айта кетейік, 2018 жылы іріленген Мақтаарал ауданы екіге бөлініп, жаңадан аудан орталығы атанған Мырзакент кентінде көптеген мемлекеттік органдар мен мемлекеттік мекемелер мектеп ғимаратында, арендалық ғимараттарға жайғасқан болса, ғимарат таппаған бірнеше мекемелер Атакент кентіне қоныс тепкен болатын.
Қазіргі таңда Мырзакент кентіндегі С.Рахымов атындағы жалпы орта мектебінде 7 бірдей дербес бөлім орналасқан. Ғимарат осы айдың соңына дейін пайдалануға беріліп, мектепте отырған дербес бөлімдер жаңа ғимаратқа көшірілетін болады.
