Түркістан ҚПБ-ның полиция қызметкерлері жол қауіпсіздігін қамтамасыз ету мақсатындағы атқарылған жұмыстарының нәтижесінде Түркістан қаласының Кенесары көшесінде жол ережесі қағидаларын жүру, қайта ауыстыру, бұрылу алдындағы сигнал беру талабын орындамай басқарып келе жатқан «Тайота камри» маркалы автокөлігін тоқтатты.
Құжаттарын тексеру кезінде жүргізушінің спирттік ішімдік ішкеніне күдік келтіріліп, тез арада қажетті іс-шаралар атқарылды. Медициналық куәландыру қорытындысына сәйкес жүргізушінің “жеңіл дәрежеде” мас болғаны анықталды.
Қазіргі таңда масаң күйде көлік жүргізген азамат 15 тәулікке қамауға алынып, әкімшілік құқық бұзушылық кодексінің 608-бабының 1 бөлігімен әкімшілік хаттама толтырылып, оған 7 жыл мерзімге көлік басқару құқығынан айыру жазасы қолданылды.
Өз кезегінде Түркістан қаласының полицейлері азаматтарға жол қозғалысы ережелерін сақтау қажеттігін ескертеді. Мас күйінде көлікке отырудың қажеті жоқ, бұл әкімшілік және қылмыстық жауапкершілікке тартылу қатерін төндіріп қана қоймай, ең алдымен жүргізушінің және жол қозғалысының басқа да қатысушыларының өміріне қауіп төндіреді. 21 жасқа дейінгі адамдарға алкоголь өнімдерін сатуға тыйым салынады.
