Түркістан облыстық мәслихатына депутаттыққа кандидат Мейірбеков Әбділда Тұрсынханұлының сайлау алды бағдарламасы
Қоршаған ортаны қорғау саласындағы
Атмосфералық ауаны қорғау мақсатында:
Түркістан қаласына замануи қоршаған ортаға зияны төмен жылу электр станциясын салу мәселесін көтеру және іске асыруға ат салысу.
Өңірдің экологиялық және экономикалық жағдайын жақсарту мақсатында Түркістан мен Кентау қалаларың байланыстыратын электр пойызын іске қосу мәселесін көтеру және іске асыруға ат салысу.
Тозығы жеткен Кентау қаласындағы №5 ЖЭС күрделі жөндеу жүргізуге және замануи шаң мен газды тазалау қондырғысымен қамтамасыз етілуіне ат салысу.
Жасыл желектерді егу мен көгалдандыруды қолға алу. Осының аясында әр тұрғын – бір түп тал отырғызу мәселесін көтеру және қолға алу.
Әрбір мектепке (1 сыныпқа) барған, колледж және жоғары оқу орындарына түскен студенттер үшін тұрақты түрде жыл сайын тал егу акциясын ұйымдастыруды қолға алу.
Су ресурстарын қорғау мақсатында:
Трансшекаралық өзендердің экологиялық жағдайын тұрақты түрде қадағалап отыру үшін шекаралас мемлекеттерден елімізге өткен жерге, тиісті құралдармен жабдықталған стационарлық экологиялық посттар орналастыруға ат салысу.
Түркістан қаласын таза ауыз сумен қаматамасыз етуді іске асыру.
Су ресурстарын тиімді пайдалану үшін Түркістан және Кентау қалалардың саябақтарын, саяжолдарын, дендропаркі мен көгалдандыру аймақтарын замануи автоматтандырылған суару жүйелерімен және өңірдің ауылшаруашылық өнімдерін өндіруде жаңбырлатып және тамшылатып суаруды қамтамасыз ету.
Түркістан қаласындағы ағынды суларды тазалайтын тазалау станциясының тазалау тиімділігін арттырып, тазартылған суды қайта пайдалануды іске асыру.
Кентау қаласына ағынды суларды тазалайтын тазалау станциясын салуды көтеру және іске асыруға ат салысу.
Жер ресурстарын қорғау мақсатында:
Егістік жерлердің құнарлығын сақтау мақсатында ауыспалы егіс (жемшөп дақылдарымен) үрдісін толыққанды іске асыруға және тұрақты түрде жүргізілуін заңдастыруға ат салысу;
Жел эрозиясынан қорғау үшін егіс алқаптарының шекараларында, қорғаныш жасыл желек белдеулерін отырғызуды жандандыру;
Жылыжайлардың топырағының құнарлығын сақтаудың жаңа инновациялық технологиясын ендіру;
Түркістан мен Кентау қалаларының жерлерін ауыр металлмен ластаушы Кентау қаласында орналасқан Ачполиметалл комбинатының және №5 ЖЭС қалдықтар қоймаларын рекультивациялауға немесе қайта өңдеуге ат салысу.
– Түркістан қаласындағы тұрмыстық қатты қалдықтардың жинақталу көлемі мен пайда болатың парниктік газдардың мөлшерін төмендету үшін сұрыптап жинау жүйесін ендіруді және сұрыпталған қалдықтарды қайта өңдеуді іске асыру.
Флора мен фаунаны қорғау мен сақтауда
Өзендердің жағалауларында, тоғандар мен су айдындарының айналасында жасыл желек белдеулерін отырғызуды жандандыру.
