Мемлекеттік қызмет көрсету үдерістерін оңтайландыру бағыттарының бірі – шешім қабылдау кезінде адами факторды алып тастау және қызмет көрсету уақытын қысқарту.
Сонымен қатар, өткен жылы төрт бірдей мемлекеттік қызмет автоматтандырылған. Олар: «Алтын алқа», «Күміс алқа» алқаларымен наградталған немесе бұрын «Батыр ана» атағын алған, I және II дәрежелі «Ана даңқы» ордендерімен наградталған көпбалалы аналарға мемлекеттік жәрдемақы тағайындау»; «Мүгедектігі бойынша мемлекеттік әлеуметтік жәрдемақы тағайындау»; «Жерлеуге біржолғы төлем тағайындау»; «Арнаулы мемлекеттік жәрдемақы тағайындау» (1, 2, 3 топтағы мүгедектігі бар адамдарға бөлігінде). Егер бұрын осы жәрдемақылар мен төлемдерді тағайындау туралы шешім қабылдау кезінде оған 7 адам қатысса, ал қызмет көрсету мерзімі 8 жұмыс күнін алса, бүгінгі күнде бұл жұмысты ақпараттық жүйе 1 жұмыс күні ішінде адамның қатысуынсыз автоматты режимде орындайды.
«Азаматтарға арналған үкімет» мемлекеттік корпорациясы» КЕАҚ қызметкерлерінің өтініштерді қарау қажеттілігін болдырмау жолымен жәрдемақылар мен әлеуметтік төлемдердің 7 түрін беру тәртібі оңайлатылды. Бұл қызмет көрсету мерзімін 8-ден 4 жұмыс күніне дейін қысқартуға мүмкіндік берді. Еңбек министрлігі халыққа мемлекеттік қызметтер алу арналарын кеңейту бойынша жұмыс жүргізуде. Қызмет көрсетудің осындай арналарының бірі екінші деңгейдегі банктердің мобильді қосымшалары болып табылады. Өткен жылы Министрліктің ЕДБ арқылы көрсетілетін қызметтерінің саны 3 қызметке кеңейді: «көпбалалы отбасына жәрдемақы тағайындау»; «жұмысынан айырылу жағдайы бойынша әлеуметтік төлем тағайындау»; «зейнетақы төлемдері мен жәрдемақылар туралы ақпарат беру».
