Мемлекеттің басты саясатын сәйкес, былтыр Цифрлық даму, инновациялар және аэроғарыш өнеркәсібі министрлігіне бірқатар жаңа құзырет те берілген.
Бұл туралы Ашық НҚА порталында жарияланған Үкімет қаулысында ведомствоға: облыстың, республикалық маңызы бар қалалардың және астананың жергілікті атқарушы органдары үшін компьютерлік және мультимедиялық жабдықтарды сатып алуды жүргізу; мемлекеттік органдардың ақпараттық жүйелерін резервке қоюды қамтамасыз ету; мемлекеттік қызметтер көрсету мәселелері бойынша нормативтік құқықтық актілерді уақтылы қабылдамағаны үшін мемлекеттік органдар мен ұйымдар басшыларының жауапкершілігі туралы ұсыныстар енгізу; цифрландыру кезінде шығыстардың бір бөлігін өтеу бойынша ауыл шаруашылығы және өнеркәсіп объектілерінде байланыс қызметтерін субсидиялау қағидаларын әзірлеу және бекіту; абоненттік құрылғылар арқылы халықты орталықтандырылған шұғыл жаппай хабардар етуді қамтамасыз ету; ҚР Мемлекеттік геодезиялық, нивелирлік және гравиметриялық желілерінің пункттері мен белгілерін салу, тексеру және қалпына келтіру жөніндегі нұсқаулықты әзірлеу және бекіту; инновациялық қызметті дамытудың Ұлттық индексін есептеу әдістемесін әзірлеу және бекіту; ауылдық елді мекендерде түпкілікті тұтынушыға дейін талшықты-оптикалық байланыс желілерін салу жөніндегі байланыс операторларының шығындарын өтеуге конкурс өткізу қағидаларын әзірлеу және бекіту және басқа да міндеттер жүктелетіні жазылған.
Жалпы, жоспар бойынша елімізде жасанды интеллект саласында жыл сайын 1000 маман дарялануы керек. Мемлекет басшысының айтуынша, алдағы уақытта кейбір отандық жоғары оқу орындарында «Google» және «Huawei» халықаралық компанияларының тиісті курстары өтпек. Корея мен Қытайдың жоғары оқу орындарымен білім беру және мамандарды бірлесіп даярлау бойынша келісім жасалды. Жасанды интеллект саласында жыл сайын 100 стартап іске қосу бойынша өршіл міндет қойылып отыр.
