Павлодардан Түркістан облысына келген ақпараттық топ мүшелері 1 апта бойы облыс аумағындағы 17 қала-аудан тұрғындарымен жүздеседі. Бұл туралы Түркістан облысына арнайы келген ақпараттық-насихаттық топ өкілі Ерсін Жұмашев брифингте мәлімдеді.
Жоспарға сай делегация құрамындағы 40-қа жуық маман көші-қон мәселесі туралы толыққанды түсіндіру жұмыстарын жүргізеді.
Павлодар облысында қазіргі уақытта дәрігер, мұғалім және техникалық сала мамандары тапшы. Халық саны аз аймаққа Мемлекеттік бағдарлама аясында қоныс аударуға ниетті жандарға қолдау бар.
Бұл ретте, Солтүстікке көшкен жанұядағы әрбір адамға бірретік 214 мың теңге қаржы беріледі. Мемлекет қорындағы баспанада 5 жыл көлемінде тұрған азаматтарға үй аттарына рәсімделеді.
