Жуырда Қостанай қаласында панкратионнан жасөспірімдер және жастар арасында Ел чемпионаты аяқталған болатын. Дүбірлі додада Түркістан облысынан жас спортшы ұл-қыздар сайысқа қатысып, жеңіске жетті. Алдымен жарыс 12 мен 13 жас аралығында өткен. Бәсекеде түркістандық 38 келіде Арман Ергеш күміс жүлдегері атанса, 42 келідегі Нұрасыл Тілеухан қола жүлде еншілеген.
Ал, 14-15 жас аралығындағы жастар арасында қатысқан 59 келідегі Ерсұлтан Намаз, 35 келіде Дархан Жақсыгелді, 66 келіде Жансерік Асан, 100 келіде Ашот Григорян сынды спортшылар қола медальге ие болған. Сонымен қатар, 16-17 жас аралығындағы спорттық сайыста 42 келіде Саят Серікбай, 69 келіде Бекзат Бахтиеров, 110 келіде Нұрлан Сайлаулар күміске қол жеткізсе, 54 келіде Аяжан Ергентай мен 85 келіде Елдос Зулпан алтын алқаны жеңіп алды. Сондай-ақ, осы жас ерекшелігінде 63 келіде Айқын Сейтманов қола медаль олжалады.
Сонымен қатар, 18-19 жас арасындағы сайыста 84 келіде Муслим Асадиллаұлы алтыннан алқа тақты. Бұл-жетістік бапкерлердің ерен еңбектерініің арқасында қол жеткізген жарқын жетістіктері.
