Республикамыз бойынша жергілікті халық арасында бұқаралық спортты дамытуда игілікті істер мен жаңашылдықтар орын алуда. Осы ретте жақында Кентау қаласында Түркістан облысының 4-ші спартакиадасының Президенттік көпсайыс спорт түрінен жарыс ұйымдастырылды.
Жарыстың алғашқы күнінде спортшылар ұзындыққа секіру, жүзу және снаряд лақтыру спорт түрлерінен сынға түсті. Ал, мақсаттары, айқын сайысқа қатысушылар келесі айналымда 60, 100, 1000, 2000 және 3000 метрге жүгіруден бақ сынасты. Сайыс ерлер мен әйелдер арасында аса тартысты өтті. Әр топ бойынша түрлі жас аралығындағылар 18-20, 21-23, 24-34, 35-39, 40-49 жас ерекшеліктері бойынша өнер көрсетіп, өзара мықтыларды анықтады.
Сонымен, жарыс жолына шыққан ерлердің 18-20 жас аралығындағы саңлақтар арасында У.Арипжанов алтын медаль жеңіп алса, А.Бекбосын күміс, ал, Т.Омарбек қола алқа еншіледі.
Бұдан басқа да 21-23 жастағы сайыпқырандар ішінде Қ.Болат жеңімпаз атанды. Бұл ретте, дарынды саңлақтар ішіндегі Қ.Шырынтай мен Р.Усипбеков күміс және жүлдеге ие болды. Ал, бар талантының арқасында жеңіске жеткен 24-34 жастағы жерлестеріміз арасында А.Захитдинов бас жүлдені қанжығасына байласа, А.Маулен күміс алқа, Н.Қиябек қола алқаны місе тұтты. 35-39 жастағы саңлақтар арасында түркістанық М. Мауленовтің бағы жанды. Ал, Д.Бакишев пен Б.Жунисов жүлдегер атанды. Президенттік көпсайыста тамаша өнер көрсеткендер арасында 40-49 жас аралығындағы қатысушылар ішінде Б.Керимкулов жеңімпаз атанса, Н.Зайналиев күміс алқа және Д.Оранбаев қоланы қанағат етті. Айта өтерлігі, бұл сайыста әйелдер арасында да жеңімпаздар мен жүлдегерлер анықталды.
Әр жас бойынша жерлесіміз М. Нашридинова алтын, Н.Шабнаби күміс, ал, Ш.Арысбай қола еншіледі.Бұдан өзге Э.Тазетдинова пен Н.Шутова жеңістің тұғырынан көрінді. Еліміздің жас спортшы ұл-қыздары жарыс жолында жалпы командалық есеп бойынша Түлкібас ауданы құрамасы бас жүлдені иеленді. Ал, Шардара ауданынан келген таланттылар күміс жүлдегер, Мақтаарал ауданының командасына қола жүлде бұйырды.
