Роботтандырылған жүйе мен инновацияларды енгізген тиімді
20
Түркістан облысының тұрғындарының назарына жаһандық даму барысында роботтандыру үрдісі өмірдің түрлі салаларына еніп келе жатқандығы жөніндегі ақпараттарды ұсынамыз. Бұл үдеріс өнеркәсіптік секторда да соны тиімділігін танытуда. Бүгінде кәсіпорындар түрлі өндірістік операцияларда тікелей технологиялық жұмыстарды басқарып, жүзеге асыру үшін роботтарды пайдаланып жүр.Өнеркәсіптік робот – автоматты түрде басқарылатын, қайта бағдарланатын, көпмақсатты манипулятор. Ол белгілі бір жерде бекітілуі мүмкін немесе өнеркәсіптік автоматтандыру тапсырмаларын орындау үшін қозғала алады. Qazindustry индустрия және экспорт орталығының жазуынша, роботтандыру сапаны үздіксіз қамтамасыз етуде, қауіпті ортада жұмыс жүргізуде бірқатар артықшылыққа ие. Халықаралық тенденцияларға қарасақ, әртүрлі елдердегі экономика құрылымдарындағы айырмашылықтар мен өнеркәсіптің үлес салмағына байланысты өнеркәсіптік робототехниканың ішкі нарығының толықтырылғандығын айқындау мақсатында халықаралық робототехника федерациясы ұсынатын роботтар санын 10 000 адамға есептегенде өнеркәсіптік сектордағы роботтар тығыздығының көрсеткіші пайдаланылады. Бұл рейтингтегі сөзсіз көшбасшылар – 932 және 605 көрсеткіштерімен Оңтүстік Корея мен Сингапур. Сәйкесінше орташа әлемдік деңгейде 10000 адамға 126 өнеркәсіптік робот. Негізінен автомобиль жасау және электроника салалары өнеркәсіптік роботтардың екі басты тұтынушысы ретінде басым болуын қамтамасыз етеді, Сингапурдың барлық өнеркәсіптік роботтарының шамамен 90%-ы электроника саласына келеді. Қолдану құрылымы бойынша қарасақ, роботтардың ішінен қол, әмбебап-гетерогенді негізгі және қосалқы технологиялық операцияларды орындайтын манипулятор түрі кеңінен қолданысқа ие, дәнекерлеу және құрастыру жұмыстарында көп пайдаланылады. Есептік деректерге сәйкес, Қазақстанда 24-тен астам кәсіпорында 90-нан астам өнеркәсіптік робот қолданылады, олардың негізгі үлесі өңдеуші өнеркәсіпке тиесілі. Олар негізінен жылжыту, дәнекерлеу және бояу, сапаны бақылау сияқты бағыттарда пайдаланылатын манипуляторлар.
