Сарыағаш ауданының әкімі Арман Абдуллаев Қабланбек ауылдық округіне қарасты Жонарық елді мекенінде салынып жатқан 200 орындық мәдениет үйі мен кітапхана ғимаратының құрылыс жұмыстарының жай-күйін бақылады. Аталған нысан елді мекен тұрғындары үшін маңызды әлеуметтік-мәдени объект екенін атап өтіп, құрылыс жұмыстарын сапалы әрі белгіленген мерзімде аяқталуын қатаң бақылауда ұстауды тапсырды.
Қазіргі таңда, құрылыс алаңында 16 жұмысшы мен 2 бірлік арнайы техника жұмылдырылған. Мердігер «ST-SERVICE KZ» тарапынан ішкі сылақ жұмыстары, фермаларды дәнекерлеу және орнату жұмыстары жүргізілуде. Ғимараттың ішкі электр желілері толық тартылып біткен, терезелер толық орнатылған. Нысанның тапсырыс берушісі – аудандық құрылыс, сәулет және қала құрылысы бөлімі.
Бұдан бөлек, Сарыағаш ауданына қарасты Құркелес, Көктерек және Тегісшіл ауылдық округтерінде магистралды ауыз су құбырларын тарту жұмыстары жүргізілуде. Атқарылып жатқан жұмыстарды аудан басшысы бақылап, жауапты сала жетекшілеріне нақты тапсырмалар беріп, жобаның белгіленген мерзімде әрі сапалы орындалуын қадағалауды тапсырды.
Ауыз су құбырының ұзындығы жалпы 13 шақырым аумақты қамтиды. Қазіргі таңда диаметрі 450 милиметр болатын 2 500 метр ауыз су құбыры тартылған және жұмыстар Көктерек кенті мен Құркелес ауылдық округі аумағында жалғасуда. Аталған жобаның нәтижесінде Дархан, Нұрлы жол, Еңкес, Құлтума, Таскескен, Тегісшіл, Мәдениет, Жылысу, Жаңаталап, Береке елді мекендері, сондай-ақ Көктерек кенті сапалы ауыз сумен қамтамасыз етіледі.
Сонымен қатар, Сарыағаш ауданындағы Көктерек ауылдық округіне қарасты Көктерек кентінің жаңа тұрғын үй аумағы табиғи газбен қамтылды. Атап айтқанда, Жасқанат, Қонаев, Бірлік, Тұран, Самал, Көктерек, Түркістан, Ұлытау, Жібек жолы, Береке, Отырар, Бәйтерек және Керуен көшелерінде газдандыру жұмыстары жүргізілді.
Сарыағаш ауданының әкімі Арман Абдуллаев Көктерек кентінің тұрғындарымен кездесіп, елді мекенді табиғи газбен қамту жұмыстарының нәтижесімен танысты.
– Біздің басты міндетіміз – халыққа сапалы қызмет көрсетіп, тұрғындарға қолайлы өмір сүру жағдайын жасау. Осы орайда елді мекендерді табиғи газбен қамтамасыз ету – негізгі басым бағыттардың бірі. Басталған әрбір жұмыс сапалы әрі уақытылы аяқталуы үшін жүйелі түрде жұмыс жүргізетін боламыз, – деді Арман Абдуллаев.
Кездесу барысында тұрғындар табиғи газдың қосылғанына ризашылықтарын білдіріп, атқарылған жұмыстарға алғыс айтты.
Айта кетейік, жобаны аудандық тұрғын үй-коммуналдық шаруашылық бөлімінің тапсырысымен «Ынтымақ-ОК» ЖШС іске асырды. Қазіргі таңда тұрғын үйлерді кезең-кезеңімен табиғи газға қосу жұмыстары жалғасуда. Жалпы, 2820 тұрғынды «көгілдір отынмен» қамту жоспарланған. Қызмет көрсетуші мекеме – «Келес Трансгаз» ЖШС.
Сондай-ақ, Сарыағаш ауданына қарасты Құркелес, Көктерек және Тегісшіл ауылдық округтерінде магистральды ауыз су құбырларын тарту жұмыстары жүргізілуде. Атқарылып жатқан жұмыстарды барысын өңір басшысы Арман Абдуллаев саралады. Жауапты сала жетекшілеріне нақты тапсырмалар беріп, жобаның белгіленген мерзімде әрі сапалы орындалуының маңыздылығына ерекше назар аударды.
Жоба жалпы 13 шақырымдық аумақты қамтиды. Қазіргі таңда диаметрі 450 мм болатын 2 500 метр ауыз су құбыры тартылған және жұмыстар Көктерек кенті мен Құркелес ауылдық округі аумағында жалғасуда. Аталған жобаның нәтижесінде Дархан, Нұрлы жол, Еңкес, Құлтума, Таскескен, Тегісшіл, Мәдениет, Жылысу, Жаңаталап, Береке елді мекендері, сондай-ақ Көктерек кенті сапалы ауыз сумен қамтамасыз етіледі.
Сарыағаш ауданында бірқатар маңызды жобалар кезең-кезеңімен жүзеге асырылуда. Солардың бірі – Сарыағаш қаласында салынып жатқан жаңа буынды дамыту орталығы. Сарыағаш ауданының әкімі Арман Абдуллаев құрылыс алаңын аралап, мердігер мекеме өкілдерімен кездесті. Кездесу барысында мердігерге жүргізіліп жатқан жұмыстардың сапасына ерекше назар аудару қажеттігін атап өтіп, сын-ескертпелер айтты. Сонымен қатар, анықталған кемшіліктерді қысқа мерзімде ретке келтіруді тапсырды.
Қазіргі таңда нысанның кірпіш қалау жұмыстары толық аяқталып, ферма орнату жұмыстары жүргізілуде. Бұдан бөлек, ғимараттың ішкі электр жүйелерін тарту жұмыстары да қатар атқарылуда. Аталған құрылыс жобасының тапсырыс берушісі – «Түркістан облысының құрылыс басқармасы».
Айта кетсек, балалар мен жасөспірімдердің жан-жақты дамуына бағытталған көпфункционалды нысан – Оқушылар сарайы бір мезгілде 600 адамды қабылдай алады.
Сарыағаш ауданы аумағында әлеуметтік инфрақұрылымды дамыту бағытында жүйелі жұмыстар жүзеге асырылуда. Бұл – Мемлекет басшысы Қасым-Жомарт Тоқаев айқындаған стратегиялық басымдықтардың бірі. Аталған бағыттағы маңызды жобалардың бірі – Тегісшілдік ауылдық округіне қарасты Мәдениет елді мекенінде салынып жатқан 75 орындық мәдениет үйі мен кітапхана ғимараты.
Аудан әкімі Арман Абдуллаев «Мәдени объектілерді дамыту» бағдарламасы аясында аталған елді мекенде бой көтеріп жатқан ғимараттың құрылыс жұмыстарының барысын пысықтады. Аудан басшысы құрылыс жұмыстарының сапасына ерекше назар аударудың маңыздылығын атап өтіп, жауапты мамандарға жұмыстарды белгіленген талаптарға сәйкес және сапалы түрде орындауды қатаң ескертті.
Қазіргі таңда нысанда ішкі әрлеу және кафель төсеу жұмыстары қарқынды жүргізілуде. Құрылыс жұмыстары бекітілген жоспарға сәйкес жүзеге асырылуда. Нысанның мердігері – «Строительная компания «Люкс сервис» ЖШС. Тапсырыс беруші – ауданның құрылыс және сәулет, қала құрылысы бөлімі.
